ەلدە ەرتەڭ توتەنشە جاعداي رەجيمى تولىق اياقتالادى

نۇر- سۇلتان. قازاقپارات – قاڭتاردا پرەزيدەنت قاسىم- جومارت توقايەۆتىڭ جارلىعىمەن ەلدەگى جاعدايعا بايلانىستى توتەنشە جاعداي جاريالانىپ، تۇنگى ساعات 11-دەن تاڭعى 7-گە دەيىن كومەندانتتىق ساعات ەنگىزىلگەن بولاتىن، دەپ حابارلايدى حابار 24.

العاشىندا الماتى مەن ماڭعىستاۋ وبلىسىندا، ىزىنشە بارلىق ايماق قوسىلدى. ازاماتتاردىڭ تىكەلەي قاۋىپسىزدىگىنە بايلانىستى، قوعامدىق قاۋىپسىزدىكتى قامتاماسىز ەتۋ، زاڭدىلىق پەن قۇقىقتىق ءتارتىپتى قالپىنا كەلتىرۋ، ازاماتتاردىڭ قۇقىقتارى مەن بوستاندىقتارىن قورعاۋ ماقساتىندا ءبىرقاتار تارتىپتىك شارا بەكىتىلدى.

ايتا كەتۋ كەرەك، جاعداي تۇراقتالا باستاعان سوڭ 12- قاڭتاردا توتەنشە رەجيم باتىس قازاقستان، پاۆلودار جانە سولتۇستىك قازاقستان وبلىستارىندا توقتاتىلدى. ال -14 قاڭتاردا شىمكەنت پەن شىعىس قازاقستان، تۇركىستان، قاراعاندى وبلىستارىندا توتەنشە جاعداي رەجيمى توقتاتىلدى.