يسپانيادا ءداستۇرلى اتپەن وتتان سەكىرۋ مەرەكەسى اتالىپ ءوتتى

نۇر- سۇلتان. قازاقپارات – يسپانيانىڭ سان بارتولومە دە پينارەس قالاسىندا ءداستۇرلى اتپەن وتتىڭ ۇستىنەن سەكىرىپ ءوتۋ مەرەكەسى اتالىپ ءوتتى. شاراعا 100-دەن اسا اتسۇيەر قاۋىم جينالدى.

مەرەكەگە قاتىسۋشىلار جانۋارلارىمەن وتتان سەكىرۋ جورالعىسىن جاساپ بىتكەن سوڭ، بي بيلەپ ءان سالدى. حالىق اراسىندا اتپەن وتتان سەكىرۋ جانۋارلاردى جىل بويى، اۋرۋ مەن جاراقاتتان ساقتايدى دەگەن تۇسىنىك بار. تۇرعىندار ىندەتكە بايلانىستى توقتاپ قالعان مەرەكەنىڭ قايتا وتكىزىلۋىنە، قۋانىشتى ەكەندەرىن ايتىپ جاتىر.

البەرتو مارتين، مەرەكەگە قاتىسۋشى:

- مەن ءۇشىن بۇل - جىلداعى ەڭ ەرەكشە كۇن. اسىرسە وسى جەردە تۋىپ وسكەن تۇرعىندار ءۇشىن ونىڭ ماڭىزى زور. مەن وعان كىشكەنتايىمنان قاتىسىپ كەلەمىن. بىلتىر كوروناۆيرۋستان جينالا الماپ ەدىك. سوندىقتان بيىل ونى اتاپ ءوتىپ جاتقانىمىزعا وتە قۋانىشتىمىن.

www.24.kz