USD 425.02 EUR 450.1
RUB 7.17 CNY 63.75
جاڭالىقتار

كولىكتى ماس كۇيىندە جۇرگىزگەن قالا اكىمىنە سوت ۇكىمى شىقتى

18 قاڭتار 15:42
:ءبولىسۋ

نۇر- سۇلتان. قازاقپارات – ماڭعىستاۋ وبلىسىنداعى فورت- شيەۆچەنكو قالاسىنىڭ اكىمى كولىكتى ماس كۇيدە جۇرگىزگەنى ءۇشىن جاۋاپكەرشىلىككە تارتىلدى. شەنەۋنىكتى 15 تاۋلىككە قاماۋعا الۋ تۋرالى سوت ۇكىمى شىقتى.

اكىم 4- قاڭتار كۇنى ساعات 11-لەر شاماسىندا «اقتاۋ - فورت- شيەۆچەنكو» تاس جولىندا «Toyota Camry» كولىگىمەن كەلە جاتقاندا پوليتسەيلەر توقتاتقان. شالقىباي ازىربايەۆقا مەديتسينالىق ساراپتاما جاسالىپ، الكوگولدىك ماساڭ كۇيى جەڭىل دارەجەدە دەگەن قورىتىندى شىققان. وسى وقيعا بويىنشا تۇسىرىلگەن ۆيدەو الەۋمەتتىك جەلىدە دە تالقىعا ءتۇستى. كوپشىلىك اكىمنىڭ ەرسى قىلىعىن سىناپ تاستادى. سوت وتىرىسىندا ول ءوز كىناسىن مويىنداماعان. تەك سىرقاتتانۋىنا بايلانىستى مويىنىن سپيرتپەن سىلاعانىن ايتقان.

ەدىگە بەگەنوۆ، ءتۇپقاراعان اۋداندىق سوتىنىڭ ءتوراعاسى:

- ءتۇپقاراعان اۋداندىق سوتىندا فورت- شيەۆچەنكو قالاسىنىڭ اكىمى ازىربايەۆ شالقىبايعا قاتىستى ق ر ا ق ب ت ك- ءنىڭ 608-بابىنىڭ 1-بولىگىمەن كوزدەلگەن اكىمشىلىك ءىس قارالدى. دارىگەر ونىڭ ماساڭ كۇيىن الكوتەست قۇرالىن پايدالانىپ انىقتاعان. وعان ق ر ا ق ب ت ك- ءنىڭ 608-بابىنىڭ 1- بولىگىمەن كىنالى دەپ تانىلىپ، ون بەس تاۋلىككە اكىمشىلىك قاماققا الۋ جانە جەتى جىلعا كولىك قۇرالىن باسقارۋ قۇقىعىنان ايىرۋ تۇرىندەگى اكىمشىلىك جازاسى قولدانىلدى.

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات