USD 425.02 EUR 450.1
RUB 7.17 CNY 63.75
جاڭالىقتار

چەمپيون بولعان بوكسشى ءولىم جازاسىنا كەسىلدى

18 قاڭتار 14:41
:ءبولىسۋ
چەمپيون بولعان بوكسشى ءولىم جازاسىنا كەسىلدى

نۇر- سۇلتان. قازاقپارات - يراندا جەرگىلىكتى بوكسشى موحامماد دجاۆاد ۆافاي- ساني ءولىم جازاسىنا كەسىلدى. بۇعان سەبەپ 2019 -جىلى نارازىلىق شەرۋىنە قاتىسۋ بولىپ وتىر.

بۇل تۋرالى ونىڭ ادۆوكاتى باباك پاكنيا تۆيتتەردە جازدى، دەپ حابارلايدى vesti.kz.

ال ءبىر جارىم جىلداي بۇرىن كۇرەستەن ۇلتتىق چەمپيون جازالانعان ەدى. 2020 -جىلى قىركۇيەكتە 27 جاستاعى ناۆيد افكاري دارعا اسىلعان بولاتىن. ال جازاعا تارتىلعانعا دەيىن ول كىنانى ازاپتاۋ ارقىلى مويىنداتقانىن ايتىپ شاعىمدانعان.

نورۆەگيادا ورنالاسقان يراننىڭ ادام قۇقىقتارى جونىندەگى ۇيىم 26 جاستاعى بوكسشى «مەملەكەتتىك عيماراتتى ءبۇلدىرۋ مەن ءورت قويۋ» ايىبى بويىنشا سوتتالعانىن حابارلادى. ول 2020 -جىلى اقپاندا ۇستالعان.

ۆافاەي- ساني يۋنيورلار اراسىندا ەل چەمپيونى جانە مەشحەد قالاسىنىڭ چەمپيونى. قازىر ەلدىڭ شىعىسىنداعى سول قالانىڭ اباقتىسىندا وتىر. ال ادامدار الەۋمەتتىك جەلى ارقىلى ونى امان الىپ قالۋعا شاقىرۋدا، #SaveMohammadJavad حەشتەگى تۆيتتەردە قاتتى تارالعان.

AFP مالىمەتىنشە، يران ادام جازالاۋ بويىنشا الەمدىك كورسەتكىش بويىنشا الدا تۇر. ايتا كەتەيىك، 2020 -جىلى 22 جاستاعى سالۆادورلىق پروسپەكت قىلمىسكەرلەر اراسىنداعى اتىس كەزىندە كوز جۇمعان. ال ودان ءبىر جىل بۇرىن اۋعانستاننىڭ بوكس فەدەراتسياسىنىڭ باس حاتشىسى وققا ۇشقان.

www.24.kz


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات