USD 425.02 EUR 450.1
RUB 7.17 CNY 63.75
جاڭالىقتار

تارتىپسىزدىككە قاتىسىپ، زاڭ بۇزعان ءار ادامنىڭ ارەكەتى جەكە قارالادى - باس پروكۋراتۋرا

18 قاڭتار 12:48
:ءبولىسۋ
تارتىپسىزدىككە قاتىسىپ، زاڭ بۇزعان ءار ادامنىڭ ارەكەتى جەكە قارالادى - باس پروكۋراتۋرا

نۇر- سۇلتان. قازاقپارات - ق ر باس پروكۋرورىنىڭ اعا كومەكشىسى ازامات سارعازين توتەنشە جاعداي رەجيمىنەن كەيىن ەلدەگى قۇقىقتىق ءتارتىپتى قالپىنا كەلتىرۋ شارالارى قانداي ۇستانىمعا نەگىزدەلگەنىن ءتۇسىندىردى، دەپ حابارلايدى قازاقپارات ءتىلشىسى.

«وسى وقيعالار كەزىندە مەملەكەت باسشىسى دا حالىققا ۇندەۋ جاساي وتىرىپ، پاراساتتىلىق تانىتۋعا جانە ارانداۋعا بەرىلمەۋگە شاقىردى. وكىنىشكە قاراي، كەي ازاماتتار زاڭسىز ارەكەتتەرگە جول بەرمەۋ بولىگىندەگى بارلىق ۇندەۋلەردى ەلەمەدى. باستاپقىدا بەيبىت جيىن وتكىزۋدىڭ زاڭمەن بەلگىلەنگەن ءتارتىبى بۇزىلعان بولاتىن. وسىعان قاراماستان، نارازىلىق اكسيالارى بەيبىت سيپاتتا بولعاندىقتان، بۇزۋشىلارعا شارا قولدانىلعان جوق. قاراقشىلار جاعدايدى پايدالانىپ، قىلمىس جاساي باستادى. كۇش پەن قارۋ قولداندى، بۇعان باسقالاردى شاقىردى. عيماراتتار مەن كولىكتەردى باسىپ الىپ، ورتەدى، ادامداردى ءولتىردى»، - دەپ ەسكە الدى باس پروكۋروردىڭ اعا كومەكشىسى.

ونىڭ ايتۋىنا قاراعاندا، ەرەۋىلدە جۇرگەندەردى ۇستاۋ وسى كەزدەن باستالعان.

«وسىدان كەيىن قوعامدىق ءتارتىپتى قامتاماسىز ەتۋ جانە قىلمىستىڭ جولىن كەسۋ ماقساتىندا ءتارتىپ بۇزۋشىلار ۇستالىپ، پوليتسياعا جەتكىزىلدى. ولاردىڭ ارەكەتىنىڭ سيپاتىنا جانە اكەپ سوققان سالدارىنا بايلانىستى اكىمشىلىك جاۋاپقا تارتىلدى نەمەسە قىلمىستىق ىستەردىڭ فيگۋرانتى بولدى. باس پروكۋراتۋرا وسى ۇستانىمعا سۇيەنە وتىرىپ، زاڭدىلىق پەن قۇقىقتىق ءتارتىپتى قامتاماسىز ەتۋ ءۇشىن ودان ءارى دە شارالار قابىلدايدى. بۇل رەتتە ءاربىر قۇقىق بۇزۋشىنىڭ ءىس- ارەكەتى وبەكتيۆتى جانە مۇقيات تەكسەرىلىپ، جاۋاپكەرشىلىك شارالارى جاسالعان قۇقىقبۇزۋشىلىقتىڭ سيپاتى مەن كىنالىلەردىڭ جەكە باسى ەسكەرىلە وتىرىپ قابىلدانادى. مەملەكەت باسشىسى باس پروكۋراتۋراعا وسى كۇندەرى ءارتۇرلى قۇقىق بۇزۋشىلىقتار ءۇشىن ۇستالعان ادامداردىڭ كىنا دارەجەسىن انىقتاپ، اۋىرلاتاتىن ءمان- جاي بولماعان جاعدايدا جازانى جەڭىلدەتۋدى تاپسىردى»، - دەدى ازامات سارعازين.

اۆتور: ەسىمجان ناقتىباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات