قوسىمشا باك ورناتىلعان كولىكتەردىڭ ەل اۋماعىنا كىرۋىنە تىيىم سالىنباق

نۇر- سۇلتان. قازاقپارات - قازاقستان قوسىمشا باك ورناتىلعان كولىكتەردىڭ ەل اۋماعىنا كىرۋىنە تىيىم سالماق.

بۇل تۋرالى بۇگىن ۇكىمەت وتىرىسىندا ق ر ەنەرگەتيكا ءمينيسترى بولات اقشولاقوۆ ايتتى، دەپ حابارلايدى قازاقپارات ءتىلشىسى.

«قازىرگى ۋاقىتتا مينيسترلىك جانار- جاعارماي ماتەريالدارى سالاسىن تۇراقتاندىرۋعا باعىتتالعان ءىس- شارالاردى ازىرلەدى. ونىڭ ىشىندە بەنزين مەن ديزەل وتىنىنا باعالاردى مەملەكەتتىك رەتتەۋدى بەلگىلەۋ، مۇناي ونىمدەرىن بولشەك ساۋدادا وتكىزۋگە شەكتى باعالاردى بەلگىلەۋ بويىنشا ءتيىستى بۇيرىقتار قابىلداندى»، - دەدى مينيستر.

ونىڭ اتاپ وتۋىنشە، بۇگىندە ا ي-80 ماركالى بەنزين ليترىنە 89 تەڭگە، ا ي-92 مەن ا ي93 ماركالى بەنزين ليترىنە 182 تەڭگە، ا ي-95 ماركالى بەنزين ليترىنە 215 تەڭگە جانە ديزەل وتىنى (ليترىنە 230-260 تەڭگە بولىپ بەلگىلەندى.

«مينيسترلىك ەۋرازيالىق ەكونوميكالىق وداققا قاتىسۋشى كورشى ەلدەرمەن سالىستىرعاندا باعالاردىڭ بىردەي بولماۋىنا بايلانىستى جانار- جاعارماي ماتەريالدارى اعىندارىنا باقىلاۋ جۇرگىزۋ بويىنشا قوسىمشا ءىس- شارالار رەتىندە مىنالاردى ۇسىنادى: وزدىگىنەن ورناتىلعان باكتارى بار كولىكتىڭ كىرۋىنە تىيىم سالۋ؛

ترانزيتتىك كولىكپەن تاۋلىگىنە 1 رەتتەن ارتىق ءوتۋدى شەكتەۋ؛

كەيبىر مۇناي ونىمدەرىن قازاقستان رەسپۋبليكاسىنان تىس جەرلەرگە ەكسپورتتىق كەدەن باجىن تولەمەي تەمىر جول كولىگىمەن تيەپ- جونەلتۋگە تىيىم سالۋ؛

ۋاكىلەتتى ورگاندار تاراپىنان شەكارالاردا مۇناي ونىمدەرىن اۆتوكولىكپەن اكەتۋگە تىيىم سالۋدى باقىلاۋدى كۇشەيتۋ اۆتوجانارماي قۇيۋ ستانتسيالارىندا يمپورتتىق وتىنعا سارالانعان باعا بەلگىلەۋ مۇمكىندىگى؛

كوكتەمگى دالا جۇمىستارى ءۇشىن ديزەل وتىنىن جەتكىزۋ راسىمدەرىن ناقتى رەگلامەنتتەۋ؛

بەنزيندەر مەن ديزەل وتىنىن قوسپاعاندا، مۇناي ونىمدەرى مەن جارتىلاي فابريكاتتارعا ەكسپورتتىق كەدەندىك باجدى مۇنايدىڭ ەكسپورتتىق كەدەندىك باجىنىڭ دەڭگەيىنەن تومەن ەمەس ۇلعايتۋ مۇمكىندىگىن قاراستىرۋ»، - دەدى بولات اقشولاقوۆ.