ينفلياتسيانى تومەندەتۋ جوسپارى قانداي - مينيستر تۇسىندىرمەسى

None
None
نۇر- سۇلتان. قازاقپارات - ەلىمىزدە اگروونەركاسىپ كەشەنىن سۋبسيديالاۋ جۇيەسى قايتا قارالادى. بۇل تۋرالى بۇگىن ۇكىمەت وتىرىسىندا ق ر ۇلتتىق ەكونوميكا ءمينيسترى الىبەك قۋانتىروۆ ايتتى، دەپ حابارلايدى قازاقپارات ءتىلشىسى.

«2022 -جىلعى 11-قاڭتاردا ءماجىلىس وتىرىسىندا سويلەگەن سوزىندە مەملەكەت باسشىسى ۇكىمەتكە ۇلتتىق بانكپەن بىرلەسىپ، ينفلياتسيانى باقىلاۋ بويىنشا ءىس- شارالار كەشەنىن ازىرلەۋدى تاپسىردى. مەملەكەت باسشىسىنىڭ تاپسىرمالارىن ورىنداۋ اياسىندا ۇكىمەت كەلەسى ءىس- شارالاردى قابىلدادى: كوممۋنالدىق قىزمەتتەر تاريفتەرىنىڭ ارتۋى توقتاتىلدى؛ قازاقستان اۋماعىنان كەيبىر تاۋارلاردى اكەتۋگە تىيىم سالىندى؛ جانار- جاعارماي ماتەريالدارىنا شەكتى باعالار بەلگىلەندى جانە بەنزيندى، ديزەل وتىنىن جانە مۇناي ونىمدەرىنىڭ جەكەلەگەن تۇرلەرىن 6 اي مەرزىمگە اكەتۋگە تىيىم سالىندى»، - دەدى مينيستر.

ونىڭ اتاپ وتۋىنشە، مەملەكەت باسشىسىنىڭ تاپسىرمالارىن ءارى قاراي ورىنداۋ اياسىندا تاۋارلاردىڭ فيزيكالىق قولجەتىمدىلىگىن جاقسارتۋ، باعالىق رەتتەۋ، مەملەكەتتىك باقىلاۋ ەنگىزۋ بويىنشا ءبىرقاتار شارانى، سونداي- اق دە ينفلياتسيانى تومەندەتۋ بويىنشا جۇيەلى ءىس- شارالاردى جۇزەگە اسىرۋ ۇسىنىلادى.

«ءبىرىنشى باعىت اياسىنداعى ءىس- شارالار كوكتەمگى ەگىس جۇمىستارىن قارجىلاندىرۋدى ۇلعايتۋدى، اگروونەركاسىپ كەشەنىن سۋبسيديالاۋ تەتىگىن جەتىلدىرۋدى، ءبىرقاتار سالالاردا يمپورت الماستىراتىن جوبالاردى ىسكە اسىرۋدى جانە باسقا دا ءىس- شارالاردى قامتيدى. ەكىنشى باعىت اياسىنداعى ءىس- شارالار ەنەرگەتيكالىق جانە كوممۋنالدىق- تۇرمىستىق كومىرگە باعالىق رەتتەۋدى ەنگىزۋدى، كوممۋنالدىق قىزمەتتەرگە باعالاردى ارتتىرۋعا موراتوريي ەنگىزۋدى، شەكتى باعالاردىڭ بولجامدى ءدالىزىن ايقىنداۋدى كوزدەيدى»، - دەدى ول.

مينيستر ءۇشىنشى باعىت اياسىنداعى ءىس- شارالار بەلگىلى ءبىر نارىقتارداعى باعالار مونيتورينگىنىڭ ناتيجەلەرى بويىنشا مونوپولياعا قارسى دەن قويۋ شارالارىن قابىلداۋدى، مۇناي جانە مۇناي ونىمدەرى نارىعىنداعى دەلدالدىق بۋىندى قىسقارتۋدى جانە بيرجالىق ساۋدانى دامىتۋدى قامتيتىنىن ايتتى.

«جۇيەلى ءىس- شارالار اياسىندا تۇتىنۋ قورجىنىنا كىرەتىن اۋىل شارۋاشىلىعى ونىمدەرىنىڭ نەگىزگى تۇرلەرىن جانە باسقا دا ازىق- تۇلىك تاۋارلارىن ءتۇتىنۋدىڭ/وندىرۋدىڭ بولجامدى تەڭگەرىمىن قۇرۋ، مونيتورينگ ناتيجەلەرى بويىنشا جەدەل دەن قويۋ ءىس- شارالارىن قابىلداۋ جوسپارلانۋدا. قابىلدانعان ءىس- شارالاردى جۇزەگە اسىرۋ ناتيجەسىندە تاۋارلار دەفيتسيتىن بولدىرماي وتىرىپ، ينفلياتسيانى جانە ونىڭ كومپونەنتتەرىن ماقساتتى دارەجەدە ۇستاپ قالۋ كۇتىلۋدە. مەملەكەتتىك قولداۋ ءىس- شارالارىنا قول جەتكىزۋدىڭ تيىمدىلىگى مەن اشىقتىعىن ارتتىرۋ ماقساتىندا ولاردى الۋشىلاردىڭ قارسى مىندەتتەمەلەرىن بەلگىلەي وتىرىپ، اگروونەركاسىپتىك كەشەندى سۋبسيديالاۋ جۇيەسى قايتا قارالادى. قابىلدانىپ جاتقان ءىس- شارالار باعانى بىرتىندەپ تۇراقتاندىرۋعا جانە بيزنەس احۋالدى، ونىڭ ىشىندە ينۆەستيتسيالىق احۋالدى جاقسارتۋعا ىقپال ەتەتىن بولادى»، - دەدى الىبەك قۋانتىروۆ.

سوڭعى جاڭالىقتار