USD 429.57 EUR 447.35
RUB 6.94 CNY 63.23
جاڭالىقتار

تارتىپسىزدىكتەن زارداپ شەككەندەردىڭ بانككە قارىزىن وتەۋ مەرزىمى شەگەرىلدى - پرەمەر- مينيستر

18 قاڭتار 10:21
:ءبولىسۋ
تارتىپسىزدىكتەن زارداپ شەككەندەردىڭ بانككە قارىزىن وتەۋ مەرزىمى شەگەرىلدى - پرەمەر- مينيستر

نۇر- سۇلتان. قازاقپارات - كۇشتىك قۇرىلىمدار مەن ازاماتتىق قورعاۋ ورگاندارىنىڭ قىزمەتكەرلەرىنە ءتيىستى مەملەكەتتىك قولداۋ كورسەتىلەتىن بولادى.

بۇل تۋرالى ۇكىمەت وتىرىسىندا پرەمەر- مينيستر ءاليحان سمايىلوۆ ءمالىم ەتتى، دەپ حابارلايدى قازاقپارات ءتىلشىسى.

«مەملەكەت باسشىسى ۇكىمەتكە الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىل جوسپارىن ازىرلەپ، قابىلداۋدى تاپسىردى. جوسپاردىڭ جوباسىندا قاۋىپسىزدىككە، ازاماتتار مەن بيزنەس سۋبەكتىلەرىن جان- جاقتى قولداۋعا جانە ەلدەگى الەۋمەتتىك- ەكونوميكالىق جاعدايدى تەز ارادا تۇراقتاندىرۋعا ارنالعان ءبىرقاتار شۇعىل ءارى قىسقا مەرزىمدى شارالار قامتىلعان. جوسپاردى ىسكە اسىرۋ بارىسىندا، ءبىرىنشى كەزەكتە، قازا تاپقان ازاماتتاردىڭ وتباسىلارى مەن زارداپ شەككەندەرگە كومەك كورسەتىلەدى. سونداي- اق كۇشتىك قۇرىلىمدار مەن ازاماتتىق قورعاۋ ورگاندارىنىڭ قىزمەتكەرلەرىنە دە ءتيىستى مەملەكەتتىك قولداۋ كورسەتىلەتىن بولادى»، - دەدى ءا. سمايىلوۆ.

وسى ورايدا ۇكىمەت باسشىسى جوسپارداعى ىشكى ىستەر مينيسترلىگىنە قاتىستى تارماقتاردىڭ بارلىعى وتە ماڭىزدى ءارى ولار ساپالى جانە جەدەل ورىندالۋى ءتيىس.

«جاپپاي تارتىپسىزدىكتەر سالدارىنان زارداپ شەككەن ازاماتتار مەن زاڭدى تۇلعالاردىڭ بانكتىك قارىزدارى مەن ميكروكرەديتتەرىن وتەۋ مەرزىمى توتەنشە جاعداي اياقتالعانشا شەگەرىلدى»، - دەدى پرەمەر- مينيستر.

بۇدان بۇرىن حابارلانعانداي، بۇگىن ۇكىمەت وتىرىسىندا ۇلتتىق ەكونوميكا ءمينيسترى الىبەك قۋانتىروۆ «قازاقستان رەسپۋبليكاسىنداعى الەۋمەتتىك- ەكونوميكالىق جاعدايدى تۇراقتاندىرۋ جونىندەگى جەدەل ءىس- قيمىلدار جوسپارىن بەكىتۋ تۋرالى» ق ر ۇكىمەتى قاۋلىسىنىڭ جوباسىن تانىستىرىلدى. تالقىلاۋدان كەيىن قۇجات جوباسى بەكىتىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات