USD 429.57 EUR 447.35
RUB 6.94 CNY 63.23
جاڭالىقتار

سانيتارلىق تالاپتارعا سالعىرت قاراۋ اۋرۋدىڭ وسۋىنە اكەپ سوعادى – سمايىلوۆ

18 قاڭتار 09:46
:ءبولىسۋ
سانيتارلىق تالاپتارعا سالعىرت قاراۋ اۋرۋدىڭ وسۋىنە اكەپ سوعادى – سمايىلوۆ

نۇر- سۇلتان. قازاقپارات - سانيتارلىق تالاپتارعا نەعۇرلىم سالعىرت قاراۋدىڭ سوڭى اۋرۋدىڭ سوعۇرلىم وسۋىنە اكەپ سوعاتىنىن ادامدار ءتۇسىنۋى كەرەك.

بۇل تۋرالى بۇگىن ۇكىمەت وتىرىسىندا ق ر پرەمەر- ءمينيسترى ءاليحان سمايىلوۆ ايتتى، دەپ حابارلايدى قازاقپارات ءتىلشىسى.

«ەلىمىزدىڭ بۇكىل وڭىرىندە كوروناۆيرۋس ينفەكتسياسىمەن ناۋقاستانۋدىڭ كۇرت وسكەنى بايقالىپ وتىر. جىل باسىنان بەرى ىندەتتى جۇقتىرۋ دەڭگەيى 21 ەسەگە ءوستى. تۇركىستان وبلىسى عانا «سارى ايماقتا»، ال قالعان ءوڭىردىڭ بارلىعى «قىزىل ايماقتا». تاۋلىگىنە ۆيرۋستىڭ ەڭ كوپ تارالۋ جاعدايى - ەلوردادا، الماتى قالاسىندا، قاراعاندى جانە اتىراۋ وبلىستارىندا تىركەلىپ وتىر. ءبىز مۇنداي جاعدايدىڭ بولارىن بولجادىق، ەڭ باستىسى، بارلىق وڭىردە ەپيدەميولوگيالىق احۋالدى قاتاڭ باقىلاۋدا ۇستاۋ قاجەت»، - دەدى ۇكىمەت باسشىسى.

ونىڭ اتاپ وتۋىنشە، كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا وڭىرلەردە قوسىمشا شەكتەۋ ءىس- شارالارىن قابىلدادى. ولار ناقتى ورىندالۋى ءتيىس.

«بەتپەردە كيۋ، الەۋمەتتىك اراقاشىقتىقتى ساقتاۋ سياقتى نەگىزگى الدىن الۋ شارالارىن بۇلجىتپاي ساقتاۋ كەرەك. سانيتارلىق تالاپتارعا نەعۇرلىم سالعىرت قاراۋدىڭ سوڭى اۋرۋدىڭ سوعىرلىم وسۋىنە اكەپ سوعاتىنىن ادامدار تۇسىنۋلەرى كەرەك. سوندىقتان مونيتورينگتىك توپتاردىڭ جۇمىس قارقىنىن بارىنشا كۇشەيتۋ قاجەت. ۆيرۋستىڭ تارالۋىن ازايتۋ ءۇشىن ناۋقاستاردى دەر كەزىندە وقشاۋلاپ، ادامداردىڭ كوپ جينالۋىنا جول بەرىلمەۋى ءتيىس»، - دەدى پرەمەر- مينيستر.

وسىعان وراي ول دەنساۋلىق ساقتاۋ مينيسترلىگى مەن اكىمدىكتەرگە اۋرۋحانالاردا قوسىمشا ورىندار دايىنداۋدى تاپسىردى.

«پ ت ر- تەستىلەۋ دەڭگەيى تومەن وڭىرلەردە ولاردىڭ سانىن ۇلعايتۋ قاجەت. اسىرەسە، الماتى، شىعىس قازاقستان، جامبىل، قوستاناي جانە تۇركىستان وبلىستارىندا تەستىلەۋ از جاسالادى. ەلوردادا، الماتى، شىمكەنت قالالارىندا، اتىراۋ، تۇركىستان، الماتى، قىزىلوردا جانە ماڭعىستاۋ وبلىستارىندا ريەۆاكتسينالاۋ قارقىنى جاقسارعان جوق. دەمەك، بۇل ماسەلەگە اكىمدەر دۇرىس قاراماي وتىر. سوندىقتان اتالعان وڭىرلەر بۇل جۇمىستى تەزدەتۋ كەرەك»، - دەدى ءاليحان سمايىلوۆ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات