جاڭا كولىك ازاماتتار ءۇشىن قولجەتىمدى بولۋى ءتيىس

نۇر-سۇلتان.قازاقپارات - قازاقستاندىق اۆتواۋەسقويلار جاڭا كولىك ازاماتتارعا قولجەتىمدى بولۋى قاجەت دەپ سانايدى. الەۋمەتتىك جەلىلەردە ارنايى پەتيتسيا جاريالاعان ولار نەگىزگى ۇسىنىستارىن ايتتى.

ارنايى پەتيتسيادا ۋتيلدىك الىمنىڭ كولەمىن تومەندەتۋ ۇسىنىسى دا ەنگىزىلگەن. جانە حالىقتىڭ الەۋمەتتىك جاعىنان وسال توپتارى ءۇشىن جەڭىلدەتىلگەن باعدارلامانى ىسكە قوسۋ كەرەك دەيدى بەلسەندىلەر.

ارسەن شاكۋوۆ، «ورتاق جول» جول قوزعالىسى قاۋىپسىزدىگى قاۋىمداستىعىنىڭ باسشىسى:

- ۋتيلدىك الىمدى جويۋ ارقىلى ەلگە اكەلىنەتىن ەسكى كولىكتەر ماسەلەسى شەشىلمەيدى. ياعني جاڭا اۆتوكولىكتى ساتىپ الۋى ءۇشىن حالىققا ساپالى، جەڭىلدەتىلگەن باعدارلامالار كەرەك. جالعىزباستى انالارعا، مۇمكىندىگى شەكتەۋلى ازاماتتارعا جانە كوپ بالالى وتباسىلارعا جەڭىلدىك جاساۋ قاجەت. وسى ۇسىنىستارعا نازار اۋدارىلعانىن قالايمىز.

ارسەن شاكۋوۆ 10 جىلدان بەرى كولىك سالاسىنداعى وزەكتى ماسەلەلەردى كوتەرىپ، زەرتتەپ كەلەدى. ايتۋىنشا، قازىر اۆتوموبيل - بۇل الەۋمەتتىك قاجەتتىلىك.

ارسەن شاكۋوۆ، «ورتاق جول» جول قوزعالىسى قاۋىپسىزدىگى قاۋىمداستىعىنىڭ باسشىسى:

- اسىرەسە ءبىزدىڭ ەلدە كولىك ماسەلەسى وزەكتى. بۇگىنگى تاڭدا ءبىر وتباسىنا ءبىر اۆتوموبيل قاجەت ەكەنى ايتپاسا دا تۇسىنىكتى. ءبىراق بۇل كولىكتىڭ جاڭا ءارى قاۋىپسىز بولۋى ماڭىزدى. سونداي- اق بەلسەندىلەر جاڭا مەملەكەتتىك وپەراتور قىزمەتىنىڭ اشىق بولۋىن تالاپ ەتىپ وتىر. ولار ەڭ الدىمەن جولداردى ەسكى- قۇسقى كولىكتەردەن تازارتۋ ءۇشىن اۆتوكولىكتىڭ تەحنيكالىق بايقاۋىن جەتىلدىرۋ كەرەك دەپ سانايدى. قازىر پەتيتسياعا بەس مىڭنان استام ادام قول قويعان.

www.24.kz