قازاقستان تۇركيامەن ىنتىماقتاستىقتى نىعايتۋدى جالعاستىرادى - ءاليحان سمايىلوۆ
قازاقپارات بۇل تۋرالى primeminister.kz سايتىنا سىلتەمە جاساپ حابارلايدى.
تۇركيا ۆيتسە-پرەزيدەنتى ف. وكتاي ءا. سمايىلوۆتى قازاقستان رەسپۋبليكاسىنىڭ پرەمەر-ءمينيسترى لاۋازىمىنا تاعايىندالۋىمەن قۇتتىقتادى.
ف. وكتاي قاڭتاردا بولعان قايعىلى وقيعا سالدارىنان قازا تاپقانداردىڭ وتباسىلارىنا كوڭىل ايتىپ، تۇركيا قازاقستانعا قاجەتتى قولداۋ كورسەتۋگە دايىن ەكەنىن اتاپ ءوتتى.
«تۇركيا رەسپۋبليكاسى - قازاقستاننىڭ سەنىمدى ءارى ستراتەگيالىق سەرىكتەسى. قازاقستان ۇكىمەتى ىنتىماقتاستىقتىڭ بارلىق باعىتى بويىنشا تۇركيامەن ىنتىماقتاستىقتى نىعايتۋدى جالعاستىرادى»، - دەدى ءا. سمايىلوۆ.
تۇركيا - قازاقستاننىڭ ماڭىزدى ساۋدا-ەكونوميكالىق سەرىكتەسى. 2021-جىلدىڭ 11 ايىنىڭ قورىتىندىسى بويىنشا ءوزارا ساۋدا كولەمى 3,74 ميلليارد دوللاردى قۇرادى.
بۇل 2020-جىلدىڭ سايكەس كەزەڭىندەگى كورسەتكىشتەن %32 ارتىق جانە 2019-جىلعى پاندەمياعا دەيىنگى دەڭگەيدەن اناعۇرلىم اسىپ تۇسەدى.
ق ر تاۋەلسىزدىك جىلدارىندا تۇركيا قازاقستان ەكونوميكاسىنا شامامەن 5 ميلليارد دوللار ينۆەستيتسيا سالدى، قازاقستاننىڭ تۇركياعا سالعان ينۆەستيتسيا كولەمى 1,1 ميلليارد دوللاردى قۇرادى. بيىل قازاقستان مەن تۇركيا اراسىنداعى ديپلوماتيالىق قارىم-قاتىناستىڭ ورناعانىنا 30 جىل تولادى.