الماتىدا توتەنشە جاعداي رەجيمىن بۇزعانداردىڭ جازاسى جەڭىلدەتىلدى

الماتى. قازاقپارات - الماتى سوتى توتەنشە جاعداي رەجيمىن بۇزعاندارعا قاتىستى قولدانىلاتىن جازانى جەڭىلدەتتى، دەپ حابارلايدى قازاقپارات ءتىلشىسى.

قالالىق سوت باسپا ءسوز قىزمەتىنىڭ مالىمەتىنشە، الماتى سوتىندا بۇگىنگى كۇنگە دەيىن توتەنشە جاعداي رەجيمىنىڭ تالاپتارىن بۇزۋعا بايلانىستى اكىمشىلىك قۇقىق بۇزۋشىلىق تۋرالى 71 ماتەريال (ا ق ب ت ك- ءنىڭ 476-بابىنىڭ 1-تارماعى، 1-بولىگى) قارالدى.

الماتى اۋماعىندا ساعات 23.00 دەن تاڭعى 7.00 گە دەيىن كومەندانتتىق ساعات ەنگىزىلىپ، توتەنشە جاعداي جاريالاندى. كومەندانتتىق ساعات كەزىندە سەبەپسىز كوشەگە شىققان قالا تۇرعىندارى الماتى پوليتسياسىنىڭ قىزمەتكەرلەرىنە ۇستالدى.

ءبىرىنشى ساتىداعى سوت بارلىق ءتارتىپ بۇزۋشىعا ايىپپۇل سالدى.

«اپەللياتسيالىق ينستانتسيا ماتەريالداردى قاراپ، اتالعان تۇلعالاردىڭ بارلىعى ءوز كىناسىن مويىنداعانىن جانە بۇرىن اكىمشىلىك جاۋاپقا تارتىلماعانىن، ىستەگەن ىستەرىنە وكىنىش بىلدىرگەنىن انىقتادى. بۇل ولاردىڭ كىناسىن جەڭىلدەتتى»، - دەپ حابارلادى سوتتان.

وسى ءمان-جايلاردى ەسكەرە وتىرىپ، الماتى قالالىق سوتى اتالعان زاڭ بۇزۋشىلاردىڭ بارلىعىنا جازانى جەڭىلدەتىپ، جازانى تەك ەسكەرتۋ تۇرىندە قالدىردى.