USD 429.57 EUR 447.35
RUB 6.94 CNY 63.23
جاڭالىقتار

الماتى تراگەدياسى: زاقىم كەلگەن نىسانداردى قالپىنا كەلتىرۋ باستالدى

17 قاڭتار 19:59
:ءبولىسۋ
الماتى تراگەدياسى: زاقىم كەلگەن نىسانداردى قالپىنا كەلتىرۋ باستالدى

الماتى. قازاقپارات - الماتىدا قاڭتار ايىنىڭ باسىندا بولعان جاپپاي تارتىپسىزدىكتەن كەيىن 243 نىسان قايتا جوندەۋدى قاجەت ەتەدى.

ونىڭ 27 ءسى مەملەكەتتىك مەكەمەلەرگە تيەسىلى بولسا، 216 سى بيزنەس نىساندار.

بۇل تۋرالى الماتى قالاسى اكىمىنىڭ ورىنباسارى مۇحيت ازىربايەۆ ايتتى، دەپ حابارلايدى قازاقپارات ءتىلشىسى.

مۇحيت ازىربايەۆتىڭ مالىمەتىنشە، بۇگىنگى كۇنگە 216 بيزنەس نىسانىنىڭ 206 سى تەكسەرىلدى. ءۇش نىسانعا كۇردەلى جوندەۋ قاجەت. ولار: «مەرەي» ساۋدا ءۇيىنىڭ قويما عيماراتى، «مير 24» ت ر ك عيماراتى، Das Auto Service عيماراتى. قۇرىلىس مونتاجداۋ جۇمىستارىنىڭ قۇنى انىقتالۋدا.

203 نىسان اعىمداعى جوندەۋدى قاجەت ەتەدى. ونىڭ 8 ءى مەنشىك يەلەرىنىڭ ءوز قاراجاتى ەسەبىنەن قالپىنا كەلتىرىلدى. 127 نىسان بويىنشا الدىن الا شىعىن سوماسى 56 ميلليون تەڭگەنى قۇرادى.

«اككرەديتتەلگەن ۇيىمدار تەحنيكالىق تەكسەرۋ، اقاۋلار اكتىسى مەن سمەتالىق ەسەپتەردى دايىنداۋ جۇمىستارىن جالعاستىرۋدا. 10 نىسان بويىنشا تەكسەرۋ جۇرگىزۋ جانە رۇقسات الۋ ءۇشىن مەنشىك يەلەرىن ىزدەۋ جۇرگىزىلۋدە»، - دەدى قالا اكىمىنىڭ ورىنباسارى.

مۇحيت ازىربايەۆ ەنەرگيا تيىمدىلىگىن باسقارۋ بويىنشا 8 نىساندا قۇرىلىس مونتاجداۋ جۇمىستارى قايتا باستالعانىن ايتتى. 19 نىسان قىسقى كەزەڭگە توقتاتىلدى. سونداي-اق جەكە قۇرىلىس سالۋشىلاردىڭ بارلىق 143 نىسانىندا قۇرىلىس مونتاجداۋ جۇمىستارى قايتا جانداندى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات