USD 429.57 EUR 447.35
RUB 6.94 CNY 63.23
جاڭالىقتار

قازاقستانداعى بارلىق اۆتو ح ق و جۇمىسىن قايتا باستادى

17 قاڭتار 19:14
:ءبولىسۋ
قازاقستانداعى بارلىق اۆتو ح ق و جۇمىسىن قايتا باستادى

نۇر-سۇلتان. قازاقپارات - قازاقستاننىڭ بارلىق وڭىرىندەگى مامانداندىرىلعان حالىققا قىزمەت كورسەتۋ ورتالىقتارى جۇمىس ىستەپ تۇر.

بۇل تۋرالى «ازاماتتارعا ارنالعان ۇكىمەت» مەملەكەتتىك كورپوراتسياسىنان ءمالىم ەتتى، دەپ حابارلايدى قازاقپارات.

بەرىلگەن اقپاراتقا سايكەس، 17- قاڭتاردا جامبىل وبلىسىنىڭ مامانداندىرىلعان ح ق و- لارى جۇمىس ىستەي باستادى. سول كۇنى الماتى وبلىسىنىڭ اۆتو ح ق و- لارى ىسكە قوسىلدى.

«وسىلايشا، قازاقستاندا بارلىق مامانداندىرىلعان ح ق و- لاردىڭ جۇمىسى تولىق قالپىنا كەلتىرىلدى»، - دەلىنگەن حابارلامادا.

ەسكە سالايىق، قاڭتار ايىنىڭ باسىندا توتەنشە جاعداي رەجيمىنىڭ ەنگىزىلۋىنە بايلانىستى ەل وڭىرلەرىندەگى بارلىق مامانداندىرىلعان ح ق و- لاردىڭ جۇمىسى ۋاقىتشا توقتاتىلعان بولاتىن.

12- قاڭتاردا الماتى قالاسى، الماتى جانە جامبىل وبلىستارىن قوسپاعاندا، اۆتو ح ق و- لار ءوز جۇمىسىن قايتا باستادى. 14- قاڭتاردا الماتى قالاسىنىڭ مامانداندىرىلعان ح ق و- سى جۇمىس ىستەي باستادى.

17- قاڭتاردان باستاپ الماتى جانە جامبىل وبلىستارىنىڭ مامانداندىرىلعان ح ق و- لارىنىڭ جۇمىسى قايتا جانداندى. اۆتو ح ق و- لاردىڭ جۇمىس كەستەسى - 9:00 دەن 18:00 گە دەيىن (جامبىل وبلىسىندا 17.00 گە دەيىن) (دۇيسەنبى-جۇما). سەنبى جانە جەكسەنبى - دەمالىس.

اۆتوموبيلدى تىركەۋ جانە قايتا تىركەۋ بويىنشا قىزمەتتى Kaspi جانە Halyk Homebank بانك قوسىمشالارى ارقىلى رەسىمدەۋگە بولاتىنىن ەسكە سالايىق.

مەملەكەتتىك قىزمەتتەر بويىنشا بارلىق قاجەتتى اقپاراتتى 1414 ءنومىرى جانە Instagram، Facebook-تەگى رەسمي @gov4c.kz اككاۋنتتاردان الۋعا بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات