قىتايداعى تانىمال قازاق جازۋشىسى قازاقستانداعى جاعدايعا پىكىر ءبىلدىردى
«ق ر پرەزيدەنتى قاسىم-جومارت توقايەۆ تەلەارنا ارقىلى قازاقستان حالقىنا جولداعان ۇندەۋىندە تارتىپسىزدىكتەر جويىلىپ، ەلدە كونستيتۋتسيالىق ءتارتىپ ورناعانىن جاريالادى. ەڭ كۇتپەگەن جانە قيىن ساتتە پرەزيدەنت توقايەۆ قالىپتاسقان جاعدايدى تەز شەشۋ ءۇشىن باتىل جانە جىگەرلى قادام جاسادى، بۇل تۇتاستاي العاندا ونىڭ مەملەكەت قايراتكەرى رەتىندە الدىنا قويىلعان كەز كەلگەن مىندەتتى شەشۋگە دايىندىعىن كورسەتەدى. ول ەل مەن حالىق الدىندا ۇلكەن جاۋاپكەرشىلىك الدى»، - دەدى اكبار ماجيت.
قىتايلىق جازۋشىنىڭ پىكىرىنشە، ول قازاقستاننىڭ تۇراقتىلىعىنا نۇقسان كەلتىرەتىن جانە قاۋىپسىزدىگىنە قاتەر توندىرەتىن كەز كەلگەن كۇشكە قارسىلىق بىلدىرەتىنىن جانە ونى ايىپتايتىنىن جەتكىزدى.
«ءبىز قازاقستان حالقىنىڭ بەيبىت ءومىرىن بۇزاتىن كەز كەلگەن كۇشتى، قازاقستاندا ادەيى تارتىپسىزدىكتەر تۋدىراتىن جانە «ءتۇرلى-ءتۇستى توڭكەرىستەردى» تۋىنداتاتىن كەز كەلگەن كۇشتى جانە قىتاي-قازاقستان قاتىناستارىنا نۇقسان كەلتىرەتىن جانە ەكى ەل اراسىنداعى ىنتىماقتاستىققا كەدەرگى كەلتىرەتىن كەز كەلگەن كۇشتى ايىپتايمىز جانە وعان قارسىلىق بىلدىرەمىز»، - دەدى ول.