ەلوردادا جاستار تاجىريبەسىنە قاتىسۋشىلاردىڭ جالاقىسى قانشالىقتى ءوستى
«پرەزيدەنت ءسوز سويلەۋىندە ەلدىڭ الەۋمەتتىك-ەكونوميكالىق دامۋىنا ايرىقشا نازار اۋداردى. ول جالاقىنى ارتتىرۋ، جاستار تاجىريبەسى مەرزىمىن ۇزارتۋ، حالىقتىڭ تابىسىن كوتەرۋ جانە باسقا دا كوپتەگەن جايتقا قاتىستى بولدى»، - دەدى ول قازاقپارات تىلشىسىنە.
وسى رەتتە سپيكەر ەلىمىزدە جوعارى وقۋ ورىندارى مەن كوللەدج تۇلەكتەرىنە ارنالعان جاستار تاجىريبەسى باعدارلاماسى جۇمىس ىستەپ تۇرعانىن اتاپ ءوتتى.
«اتالعان باعدارلاما بويىنشا بۇگىنگى جالاقى 25 ايلىق ەسەپتىك كورسەتكىشتى قۇرايدى. سونىمەن قاتار جەرگىلىكتى بيۋجەتتەن 10 ا ە ك مولشەرىندە تەڭ قارجىلاندىرۋ بار. قازىرگى ۋاقىتتا باعدارلاما اياسىنداعى جالاقى - 107 مىڭ تەڭگە، تاجىريبە مەرزىمى - 6 اي. پرەزيدەنت تاپسىرماسىنا سايكەس، جاستار تاجىريبەسى بويىنشا جالاقى 10 ا ە ك- كە ارتتىرىلىپ، مەرزىمى 12 ايعا دەيىن ۇزارتىلدى. ياعني، ەندىگى ۋاقىتتا جالاقى 40 ا ە ك- ءتى نەمەسە 120 مىڭ تەڭگەدەن استامدى قۇرايتىن بولادى»، - دەدى ديرەكتور ورىنباسارى.
سونىمەن قاتار تالعات ەسىموۆ بۇل ءىس-شارالاردىڭ دەر ۋاقىتىندا قابىلدانعانىن ءارى قاجەتتى ەكەندىگىن باسا ايتتى.
«بۇل ءىس-شارالار دەر ۋاقىتىندا قولعا الىندى. ەگەر بۇل باعدارلاما اياسىندا جاستارعا جالاقى كوتەرىلەتىن بولسا، وندا ولار جۇمىسپەن قامتۋ ورتالىعىنا جۇگىنىپ، رەسمي تابىس تابادى ءارى تاجىريبە جيناقتايدى»، - دەدى ول.