USD 416.91 EUR 446.47
RUB 7.34 CNY 62.53
جاڭالىقتار

ەلوردادا كرەشەنيە راسىمدەرىنە تىيىم سالىندى

17 قاڭتار 18:58
:ءبولىسۋ
ەلوردادا كرەشەنيە راسىمدەرىنە تىيىم سالىندى

نۇر-سۇلتان. قازاقپارات - ەل استاناسىندا كوروناۆيرۋسقا قاتىستى ەپيداحۋالدىڭ ناشارلاۋىنا بايلانىستى كرەشەنيە ءدىني مەرەكەسىندە جاپپاي شومىلۋعا تىيىم سالىندى، دەپ حابارلايدى قازاقپارات ءتىلشىسى.

بۇل مالىمەتتى نۇر-سۇلتان قالاسى اكىمدىگىنىڭ باسپا ءسوز قىزمەتى راستادى.

«قالادا ەپيداحۋالدىڭ كۇردەلىلىگىنە بايلانىستى كرەشەنيە قارساڭىندا شومىلۋ وتكىزىلمەيدى. بۇل - قالانىڭ باس سانيتار دارىگەرىنىڭ شەشىمى»، - دەيدى نۇر-سۇلتان قالاسى اكىمىنىڭ باسپا ءسوز حاتشىسى اقمارال ولجابايەۆا.

پراۆوسلاۆ حريستياندارىندا بۇل ءدىني مەيرام جىل سايىن 18- قاڭتاردىڭ كەشىنەن باستالىپ، 19- قاڭتارعا ۇلاسادى. ال سۋ ايدىندارىندا ورنالاسقان ويىقتاردا شومىلۋ ءراسىمى ءدال مەرەكە كۇنى نەمەسە كەيىنگى كۇندەرى دە وتكىزىلە بەرەدى.

ەسكە سالايىق، بىلتىر دا ەلورداداعى ەپيدەميولوگيالىق احۋالعا بايلانىستى شوقىنۋ مەرەكەسىنە ارنالعان جاپپاي شومىلۋ راسىمىنە تىيىم سالىنعان بولاتىن.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات