الماتىدا زاڭسىز ساقتالعان قارۋ- جاراقتاردى قابىلداۋ باستالدى

الماتى. قازاقپارات - الماتىدا زاڭسىز ساقتالعان قارۋ- جاراقتاردى قابىلداۋ شاراسى باستالدى. بۇل تۋرالى الماتى قالالىق پوليتسيا دەپارتامەنتى ءمالىم ەتتى، دەپ حابارلايدى قازاقپارات ءتىلشىسى.

قالالىق پوليتسيا دەپارتامەنتىنىڭ حابارلاۋىنشا، بۇل شارا زاڭسىز قارۋ ساقتاعان ازاماتتارعا ولاردى جاقىن جەردەگى پوليتسيا باسقارماسىنا ءوز ەركىمەن تاپسىرۋعا مۇمكىندىك بەرىلەدى. سونىمەن قاتار، ق ر ق پ ك- ءنىڭ 287 بابىنا سايكەس - قارۋ مەن وق- دارىلەردى تاپسىرعان ادامدار قىلمىستىق جاۋاپكەرشىلىكتەن بوساتىلادى.

«ۇرلانعان قارۋ- جاراق، وق- دارىلەر جانە ارنايى قۇرالدار تۋرالى اقپارات بىلەتىن بولساڭىز، «102» پۋلتىنە حابارلاسۋىڭىزدى سۇرايمىز، انونيمدىلىككە كەپىلدىك بەرىلەدى»، - دەلىنگەن حابارلامادا.

زاڭسىز ساقتالعان قارۋ- جاراق پەن وق- دارىلەردى ءوز ەركىمەن بەرمەگەن ازاماتتار انىقتالعان جاعدايدا قىلمىستىق جاۋاپقا تارتىلادى. سۇراقتار بويىنشا مىنا تەلەفوندار ارقىلى حابارلاسۋعا بولادى: 87473339160؛ 87773464477

اۆتور: الما مۇقانوۆا