USD 429.57 EUR 447.35
RUB 6.94 CNY 63.23
جاڭالىقتار

تيمۋر قۇلىبايەۆتىڭ قىزمەتىنەن كەتۋىنە بايلانىستى «اتامەكەن» ۇ ك پ مالىمدەمە جاسادى

17 قاڭتار 13:27
:ءبولىسۋ
تيمۋر قۇلىبايەۆتىڭ قىزمەتىنەن كەتۋىنە بايلانىستى «اتامەكەن» ۇ ك پ مالىمدەمە جاسادى

نۇر- سۇلتان. قازاقپارات - «اتامەكەن» ۇلتتىق كاسىپكەرلەر پالاتاسى باسقارماسى تيمۋر قۇلىبايەۆتىڭ ءتورالقا ءتوراعاسى قىزمەتىنەن كەتۋىنە بايلانىستى مالىمدەمە جاسادى،

دەپ حابارلايدى «حابار 24» ۇلتتىق پالاتانىڭ باسپا ءسوز قىزمەتىنە سىلتەمە جاساپ.

باسقارما تيمۋر قۇلىبايەۆتىڭ «اتامەكەن» ۇ ك پ ءتورالقا ءتوراعاسى قىزمەتىندەگى وكىلەتتىگى ءوز ەركىمەن توقتاتىلعانىن ايتتى.

«تيمۋر قۇلىبايەۆ ۇلتتىق كاسىپكەرلەر پالاتاسى قۇرىلعان كەزدەن باستاپ بىرگە بولدى ءارى پالاتانىڭ بيزنەس پەن بيلىكتىڭ سىندارلى ديالوگ الاڭى رەتىندە قالىپتاسۋىنا ۇلكەن ۇلەس قوستى. تيمۋر اسقار ۇلىنىڭ جەكە شەشىمىنە قۇرمەتپەن قارايمىز جانە بىرنەشە جىل بىرگە اتقارعان جۇمىس ءۇشىن العىس بىلدىرەمىز. تيمۋر قۇلىبايەۆ ۇلتتىق كاسىپكەرلەر پالاتاسى قۇرىلعان كەزدەن باستاپ بىرگە بولدى جانە پالاتانىڭ بيزنەس پەن بيلىكتىڭ سىندارلى ديالوگ الاڭى رەتىندە قالىپتاسۋىنا ۇلكەن ۇلەس قوستى»، - دەلىنگەن مالىمدەمەدە.

ۇلتتىق پالاتانىڭ باسقارۋ ورگاندارى (ءتورالقا مەن باسقارما، وڭىرلىك كەڭەستەر مەن وڭىرلىك پالاتالار) شتاتتىق رەجيمدە جۇمىس ىستەيتىنى ايتىلدى.

«ءتورالقا ءتوراعاسىن سيەزد سايلايدى، ءتورالقانىڭ كەزەكتى وتىرىسىندا ونىڭ مۇشەلەرى ءتوراعانىڭ مىندەتىن ۋاقىتشا اتقارۋشىنىڭ كانديداتۋراسىن انىقتايدى»، - دەلىنگەن حابارلامادا.

جاقىن ارادا ۇ ك پ باسقارماسى بيزنەس- قوعامداستىقتىڭ بۇرىننان تالقىلاپ كەلە جاتقان ماسەلەسى ءتورالقانىڭ سالالىق كوميتەتتەرىنىڭ مۇشەلەرىن ءتيىستى سالا كاسىپكەرلەرى سايلايتىنى تۋرالى ايتىلدى.

«2022 -جىلدىڭ كۇزىندە كەزەكتى سەزگە قاراي سەزد جانە ءتورالقانىڭ جاڭا دەلەگاتتار قۇرامى جاڭارادى. باسقارۋدىڭ جوعارى ورگانى رەتىندە سەزد ءوز ۋاكىلەتتىگى اياسىندا ءتورالقا ءتوراعاسى مەن قۇرامى، سونداي- اق، باسقارما قۇرامىنا قاتىستى شەشىم شىعارادى»، - دەدى پالاتا وكىلى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات