سامات ءابىش ۇ ق ك ءتوراعاسىنىڭ ءبىرىنشى ورىنباسارى لاۋازىمىنان بوساتىلدى

None
None
نۇر- سۇلتان. قازاقپارات - مەملەكەت باسشىسىنىڭ وكىمىمەن سامات ساتىبالدى ۇلى ءابىش قازاقستان رەسپۋبليكاسى ۇلتتىق قاۋىپسىزدىك كوميتەتى ءتوراعاسىنىڭ ءبىرىنشى ورىنباسارى لاۋازىمىنان بوساتىلدى، دەپ حابارلايدى قازاقپارات اقورداعا سىلتەمە جاساپ.

ەسكە سالا كەتسەك، بۇعان دەيىن 14–قاڭتاردا كوميتەت سامات ءابىشتىڭ ەڭبەك دەمالىسىندا ەكەنىن مالىمدەگەن ەدى.

«كەلىپ تۇسكەن سۇراۋلارعا سايكەس، ق ر ۇ ق ك ءتوراعاسىنىڭ ءبىرىنشى ورىنباسارى سامات ءابىش ءوز قىزمەتىندە ەكەنىن حابارلايمىز. ۇستىمىزدەگى جىلعى 13 –قاڭتاردان باستاپ ول جىل سايىنعى دەمالىسىندا» دەلىنگەن ەدى سول كەزدە تاراتقان حابارلامادا.

سامات ساتىبالدى ۇلى ءابىش 1978 -جىلى 20 –تامىزدا الماتى وبلىسىندا دۇنيەگە كەلگەن. ق ر ۇلتتىق قاۋىپسىزدىك كوميتەتى مەن رف سىرتقى بارلاۋ قىزمەتى اكادەميالارىن بىتىرگەن.

2000-2006 -جىلدارى – ق ر ۇ ق ك ورگاندارىندا وفيتسەرلىك قۇرامىنداعى قىزمەتتە بولدى. 2006-2008 -جىلدارى – ق ر ادىلەت مينيسترلىگى تىركەۋ قىزمەتى كوميتەتى ءتوراعاسىنىڭ ورىنباسارى، ءتوراعاسى.

2008-2010 -جىلدارى – ق ر ادىلەت مينيسترلىگىنىڭ جاۋاپتى حاتشىسى.

2010-2013 -جىلدارى – ق ر ۇ ق ك كادرلار دەپارتامەنتىنىڭ باستىعى، استانا بويىنشا دەپارتامەنتىنىڭ باستىعى.

2013-2015 -جىلدارى – ق ر ۇ ق ك ءتوراعاسىنىڭ ورىنباسارى. بۇگىنگە دەيىنگى 2015 -جىلدىڭ جەلتوقسان ايىنان بەرى اتقارىپ كەلدى.

سوڭعى جاڭالىقتار