جاڭا قاۋلى: ش ق و- داعى مەشىتتەردە جۇما نامازىن وقۋعا شەكتەۋ قويىلدى
17 قاڭتار 10:47

جاڭا قاۋلى: ش ق و- داعى مەشىتتەردە جۇما نامازىن وقۋعا شەكتەۋ قويىلدى

وسكەمەن. قازاقپارات - شىعىس قازاقستان وبلىسىنداعى مەشىتتەودە جۇما نامازىن وقۋعا شەكتەۋ قويىلدى، دەپ حابارلايدى قازاقپارات ءتىلشىسى.

ش ق و باس مەملەكەتتىك سانيتارلىق دارىگەرىنىڭ جاڭا قاۋلىسى جاريالاندى. وندا جازىلعانداي، ءوڭىردىڭ «قىزىل» ايماققا ەنۋىنە بايلانىستى ءبىرقاتار شەكتەۋلەر ەنگىزىلگەن.

سانيتارلىق تالاپتار 20-قاڭتاردان باستاپ، ونىڭ ىشىندە Ashyq جوباسىنا قاتىساتىن نىسانداردا دا جۇزەگە اسىرىلادى.

«كونسەرت زالدارى، تەاتر، سيرك، فيلارمونيا قىزمەتىنە تىيىم سالىندى. ءدىني وبەكتىلەردە (مەشىت، شىركەۋ، سوبور، سيناگوگا) ۇجىمدىق ءىس- شارالار (جۇما نامازى، ءدىني جورالار جانە ت. ب.) وتكىزۋگە رۇقسات ەتىلمەيدى. كونفەرەنتسيا، سەمينار، كورمە، فورۋمدار وتكىزۋگە شەكتەۋ قويىلدى. سونداي- اق تۇنگى كلۋبتار جابىلادى»، دەلىنگەن قۇجاتتا.

سپورتتىق- ساۋىقتىرۋ نىساندارىنا، فيتنەس جانە يوگا- ورتالىقتارىنا، مونشالارعا، ساۋنالارعا، باسسەيندەرگە تەك «جاسىل» ستاتۋسى بار ادامدار كىرگىزىلەدى. قوعامدىق تاماقتانۋ نىساندارىندا ءبىر ۇستەلگە وتىراتىندار سانى 4 ادامعا دەيىن قىسقارادى. ال كينوتەاترلاردىڭ تولىمدىلىعى %30- دان اسپاۋى ءتيىس.

«بارلىق مەكتەپتەردە ۆاكتسينانىڭ تولىق كۋرسىن العان 9, 11-سىنىپتار عانا شتاتتىق فورماتتا وقيدى. ال قالعان وقۋشىلار ونلاين فورماتقا كوشىرىلەدى. ەگەر ءبىر بالا كوروناۆيرۋس جۇقتىرسا، سىنىپ تۇگەلدەي 14 كۇن ءۇي كارانتينىنە وقشاۋلانادى. كوللەدجدەر مەن ج و و ستۋدەنتتەرى ءۇشىن ارالاس وقىتۋ فورماتى بەكىتىلگەن. بارلىق دارىستەر ونلاين جۇرگىزىلسە، تاجىريبە، زەرتحانا، سەمينار ساباقتارى شتاتتىق رەجيمدە وتەدى»، - دەلىنگەن قاۋلىدا.


جاڭالىقتار