USD 427.84 EUR 443.8
RUB 6.67 CNY 63.02
جاڭالىقتار

اتىراۋ قالاسىنىڭ اكىمى قىزمەتىنەن بوساتىلدى

16 قاڭتار 19:18
:ءبولىسۋ
اتىراۋ قالاسىنىڭ اكىمى قىزمەتىنەن بوساتىلدى

اتىراۋ. قازاقپارات - اتىراۋ قالاسىنىڭ اكىمى قايرات ورازبايەۆ قىزمەتىنەن بوساتىلدى، دەپ حابارلايدى قازاقپارات.

بۇل دەرەكتى وبلىس اكىمىنىڭ باسپا ءسوز قىزمەتى راستادى.

«اتىراۋ قالاسىنىڭ اكىمى قايرات ورازبايەۆ ەمدەلۋ ءۇشىن 30 -جەلتوقساندا ەڭبەك دەمالىسىن العان بولاتىن. قالا اكىمى 10 -قاڭتاردا جۇمىسقا كەرى شاقىرتىلىپ الىندى. الايدا، ول كەلەسى كۇنى دەنساۋلىعىنا بايلانىستى ەڭبەككە جارامسىزدىق پاراقشاسىن اشتىردى. وبلىس اكىمىنىڭ وكىمىمەن قايرات ورازبايەۆ 14 -قاڭتار كۇنى ءوزىنىڭ ءوتىنىشى نەگىزىندە اتىراۋ قالاسى اكىمى قىزمەتىنەن بوساتىلدى. قازىر اتىراۋ قالاسى اكىمىنىڭ مىندەتىن اتقارۋ قالا اكىمىنىڭ ورىنباسارى جۇمابەك قاراجانوۆقا جۇكتەلدى»، - دەپ حابارلادى وبلىس اكىمىنىڭ باسپا ءسوز قىزمەتى.

ەسكە سالا كەتەلىك، قايرات ورازبايەۆ اتىراۋ قالاسى اكىمىنىڭ قىزمەتىنە 2020 -جىلعى قاڭتاردا تاعايىندالعان بولاتىن.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات