USD 434.34 EUR 491.93
RUB 5.56 CNY 68.67
جاڭالىقتار

پرەزيدەنت الماتىدا قازا بولعان بەيبىت تۇرعىنداردىڭ ناقتى سانىن انىقتاۋدى تاپسىردى

15 قاڭتار 15:53
:ءبولىسۋ
پرەزيدەنت الماتىدا قازا بولعان بەيبىت تۇرعىنداردىڭ ناقتى سانىن انىقتاۋدى تاپسىردى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ الماتىدا جاپپاي تارتىپسىزدىكتەر كەزىندە قازا بولعان بەيبىت تۇرعىنداردىڭ ناقتى سانىن انىقتاۋدى تاپسىردى، دەپ حابارلايدى قازاقپارات.

بۇل تۋرالى پرەزيدەنت بۇگىن كۇشتىك قۇرىلىمداردىڭ باسشىلارىمەن كەزدەسۋىندە ايتتى.

«كەڭەس قورىتىندىسى بويىنشا قاسىم-جومارت توقايەۆ ءبىرقاتار ناقتى تاپسىرمالار بەردى. قازاقستاندا، سونىڭ ىشىندە الماتىدا بولعان قايعىلى جاعدايلاردى جان-جاقتى زەرتتەۋ ماسەلەسىنە، قازا بولعان بەيبىت تۇرعىنداردىڭ ناقتى سانىن انىقتاۋعا، قيىن-قىستاۋ كەزدەردە كۇشتىك قۇرىلىمداردىڭ ءىس-قيمىلدارىن ۇيلەستىرۋدىڭ جاڭا نورماتيۆتىك بازاسىن ازىرلەۋگە باسا ءمان بەرىلدى. قاسىم-جومارت توقايەۆ قاۋىپسىزدىك كەڭەسىنىڭ حاتشىسىنا ارناۋلى وپەراتسيالار كۇشتەرىن جاساقتاۋ جۇمىستارىن جەدەلدەتۋدى جانە ۇلتتىق قاۋىپسىزدىك جۇيەسىن قايتا قۇرۋ جونىندە ناقتى ۇسىنىس بەرۋدى تاپسىردى. پرەزيدەنت لاڭكەستىككە قارسى وپەراتسيالار مەن تەرگەۋ شارالارىن جۇرگىزۋ بارىسىندا ازاماتتار قۇقىعىنىڭ بۇزىلۋىنا جول بەرمەۋدىڭ ماڭىزدى ەكەنىن ايتتى»، - دەلىنگەن اقوردا تاراتقان اقپاراتتا.

ايتا كەتەيىك، مەملەكەت باسشىسىنىڭ قاتىسۋىمەن وتكەن ماجىلىسكە جيىنعا باس پروكۋراتۋرانىڭ، ۇلتتىق قاۋىپسىزدىك كوميتەتىنىڭ، قورعانىس جانە ىشكى ىستەر مينيسترلىكتەرىنىڭ ءبىرىنشى باسشىلارى، سونداي-اق پرەزيدەنت اكىمشىلىگىنىڭ باسشىلىعى مەن قاۋىپسىزدىك كەڭەسىنىڭ اپپاراتى قاتىستى.

مەملەكەت باسشىسىنا قاڭتار ايىنىڭ ءبىرىنشى ونكۇندىگىندە ەلىمىزدىڭ ءبىرقاتار وڭىرىندە بولعان وقيعالار بويىنشا سوتقا دەيىنگى الدىن الا تەرگەۋ امالدارىنىڭ بارىسى، سونداي-اق ارنايى جۇرگىزىلگەن وپەراتسيالاردىڭ ناتيجەلەرى، ەلىمىزدە قوعامدىق قاۋىپسىزدىك پەن قۇقىقتىق ءتارتىپتى قامتاماسىز ەتۋ شارالارى تۋرالى باياندالدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات