USD 434.34 EUR 491.93
RUB 5.56 CNY 68.67
جاڭالىقتار

الماتى وبلىسىندا دەسترۋكتيۆتى ءدىني باعىتتى ۇستانۋى مۇمكىن دەگەن كۇدىكتىلەر ۇستالدى

15 قاڭتار 09:56
:ءبولىسۋ
الماتى وبلىسىندا دەسترۋكتيۆتى ءدىني باعىتتى ۇستانۋى مۇمكىن دەگەن كۇدىكتىلەر ۇستالدى

نۇر-سۇلتان. قازاقپارات - دەسترۋكتيۆتى ءدىني باعىتتى ۇستانۋى مۇمكىن ق ر ەكى ازامات ۇستالدى. بۇل تۋرالى قازاقپارات ۇلتتىق قاۋىپسىزدىك كوميتەتىنە سىلتەمە جاساپ حابارلايدى.

ۇلتتىق قاۋىپسىزدىك كوميتەتى ش ق الماتى وبلىسى بويىنشا دەپارتامەنتى 5 -6- قاڭتار ارالىعىندا ءۇشبۇلاق اۋىلىنىڭ ماڭىنان زاڭسىز اكسيالارعا قاتىسى بار دەگەن كۇدىكپەن دەسترۋكتيۆتى ءدىني باعىتتى ۇستانۋى مۇمكىن ق ر ەكى ازاماتىن قولعا ءتۇسىردى.

ولاردان ءدىني ادەبيەتتەر تابىلىپ، قازىرگى ۋاقىتتا ۇستالعانداردىڭ ەكسترەميستىك ءدىني ۇيىمدارعا قاتىستىلىعى تەكسەرىلۋدە.

ۇلكەن الماتى كولىنىڭ ماڭىندا جەكە باستارىن كۋالاندىراتىن قۇجاتتارى جوق «تويوتا» ماركالى اۆتوكولىگىن مىنگەن 5 ازامات ۇستالدى.

اۆتوكولىكتى تەكسەرۋ بارىسىندا: 7 وعى بار 12 كاليبرلى ۆينچەستەر، 1 وعى بار تراۆماتيكالىق تاپانشا، قان جۇققان پىشاق جانە 600000 تەڭگە اقشالاي قاراجات تابىلدى.

ولاردىڭ الماتى قالاسىنداعى جاپپاي تارتىپسىزدىكتەرگە جانە قارۋ-جاراق دۇكەنىن توناۋعا قاتىستارى بارلىعى انىقتالدى. سونداي-اق كىشى دەحان ەلدى مەكەنىندە الماتى قالاسىنداعى تارتىپسىزدىكتەرگە قاتىسقان 19 ادام انىقتالدى.

جەدەل توپ ۇستالعاندارمەن سۇراۋ جۇمىستارىن جۇرگىزۋدە.

7- قاڭتاردا ق ر ق ك بولىمشەلەرىمەن بىرلەسىپ، الماتى جانە تالدىقورعان قالالارىنداعى قوعامعا قارسى اكسيالارعا قاتىسى بولۋى مۇمكىن 184، سونداي-اق مەملەكەتتىك شەكارانى قورعاۋ سالاسىنداعى ق ر زاڭناماسىن بۇزۋشى 41 ادام ۇستالدى.

13 بىرلىك اتىس قارۋى، 185 بىرلىك وق-ءدارى، 8 ۇيالى تەلەفون، 900 مىڭ تەڭگەگە جۋىق اقشا قاراجاتى جانە 100 مىڭ ا ق ش دوللارى تاركىلەندى.

ۇرلانعان 1 اۆتوكولىك ۇستالدى. 13- قاڭتاردا تارتىپسىزدىكتەرگە قاتىسى بار دەگەن كۇدىكپەن ق ر 26 ازاماتى، سونداي-اق قارۋدى زاڭسىز ساقتاعانى ءۇشىن ق ر 5 ازاماتى انىقتالىپ، ۇستالدى. 6 بىرلىك اتىس قارۋى تاركىلەندى.

شەكارا قىزمەتىنىڭ بولىمشەلەرى تۇراقتى جاۋىنگەرلىك ازىرلىكتە جانە شەكارا كۇزەتى كۇشەيتىلگەن رەجيمدە جۇزەگە اسىرىلۋدا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات