USD 434.34 EUR 491.93
RUB 5.56 CNY 68.67
جاڭالىقتار

استانالىقتار كوروناۆيرۋس بەلگىلەرى بايقالسا قايدا حابارلاسۋى كەرەك

15 قاڭتار 09:33
:ءبولىسۋ
استانالىقتار كوروناۆيرۋس بەلگىلەرى بايقالسا قايدا حابارلاسۋى كەرەك

نۇر-سۇلتان. قازاقپارات - ەلوردادا كوروناۆيرۋس ينفەكسياسى ماسەلەلەرى بويىنشا العاشقى مەديتسينالىق-سانيتارلىق كومەك كورسەتۋ ۇيىمدارىنىڭ جانىنان ازاماتتارعا ارنالعان call-ورتالىق قۇرىلدى، دەپ حابارلايدى قازاقپارات ءتىلشىسى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنە سىلتەمە جاساپ.

دەنساۋلىق ساقتاۋ باسقارماسىنىڭ مالىمەتىنشە، قالاداعى ەپيدەميولوگيالىق جاعدايدىڭ ناشارلاۋىنا بايلانىستى مەديتسينا قىزمەتىنە سۇرانىس پەن تۇسەتىن جۇكتەمە ارتىپ جاتىر.

ايتار بولساق، جەدەل مەديتسينالىق جاردەم قىزمەتىنە تاۋلىگىنە 4 مىڭنان استام قوڭىراۋ تۇسەدى. ال شاقىرۋلار سانى شامامەن 3 مىڭدى قۇرايدى، ونىڭ ىشىندە ك ۆ ي بويىنشا تاۋلىگىنە 300 گە دەيىن جەتەدى.

وسى ورايدا ەلوردا تۇرعىندارىنا ىڭعايلى بولۋى ءۇشىن ەمحانالار جانىندا Call-ورتالىقتار ىسكە قوسىلدى. Call-ورتالىققا حابارلاسۋ ارقىلى پاتسيەنتتەر ينفەكتسيانىڭ العاشقى بەلگىلەرى تۋرالى، ناۋقاستى تىركەۋ جانە باسقا قاجەتتى اقپاراتقا قول جەتكىزە الادى.

بايلانىس تەلەفوندارى قالالىق قوعامدىق دەنساۋلىق ساقتاۋ باسقارماسىنىڭ رەسمي سايتىندا كورسەتىلگەن. جانە قۇجاتتى مىنا سىلتەمە ارقىلى جۇكتەۋگە بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات