USD 433.3 EUR 464.19
RUB 6.48 CNY 64.56
جاڭالىقتار

بەرىك ءۋالي: بەيبىت دەمونستراتسياعا قاتىسۋشىلار قىلمىستىق جاۋاپكەرشىلىككە تارتىلماۋى كەرەك

15 قاڭتار 09:09
:ءبولىسۋ
بەرىك ءۋالي: بەيبىت دەمونستراتسياعا قاتىسۋشىلار قىلمىستىق جاۋاپكەرشىلىككە تارتىلماۋى كەرەك

نۇر-سۇلتان. قازاقپارات - وزدەرىڭىزگە ءمالىم، مەملەكەت باسشىسى قاسىم-جومارت توقايەۆ باس پروكۋراتۋراعا «قاسىرەتتى قاڭتار» وقيعاسىنا قاتىسىپ، ءارتۇرلى قۇقىق بۇزۋشىلىق بويىنشا ۇستالعان ازاماتتاردىڭ كىناسىنىڭ دەڭگەيىن انىقتاۋدى تاپسىردى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراشاسىندا جازدى.

«وزدەرىڭىزگە ءمالىم، مەملەكەت باسشىسى قاسىم-جومارت توقايەۆ باس پروكۋراتۋراعا «قاسىرەتتى قاڭتار» وقيعاسىنا قاتىسىپ، ءارتۇرلى قۇقىق بۇزۋشىلىق بويىنشا ۇستالعان ازاماتتاردىڭ كىناسىنىڭ دەڭگەيىن انىقتاۋدى تاپسىردى. پرەزيدەنت ولاردىڭ اۋىر قىلمىسى بولماسا، جازانى جەڭىلدەتۋ شارالارىن قابىلداۋعا بولادى دەپ سانايدى. بەيبىت دەمونستراتسياعا قاتىسۋشىلار قىلمىستىق جاۋاپكەرشىلىككە تارتىلماۋى كەرەك. مەملەكەت باسشىسىنىڭ تۇبەگەيلى ۇستانىمى بەيبىت جينالىستار مەن ميتينگىلەر زاڭعا سايكەس ءوتۋى كەرەك. زاڭدا مۇنداي جيىنداردىڭ ەسكەرتۋ ارقىلى عانا وتكىزىلەتىنى قاراستىرىلعان. ميتينگىلەر مەن جينالىستاردى ەندى قالالاردىڭ ورتالىق اۋداندارىندا وتكىزۋگە بولادى. بۇل - ەلىمىزدەگى دەموكراتيانى ىلگەرىلەتۋگە باعىتتالعان ماڭىزدى قادام»، - دەپ جازدى بەرىك ءۋالي.

ەسكە سالساق، بۇعان دەيىن قازاقستان پرەزيدەنتى قاسىم-جومارت توقايەۆ «قاسىرەتتى قاڭتار» وقيعالارى كەزىندە قىلمىس جاساعان ادامدار زاڭ بويىنشا جاۋاپقا تارتىلاتىندىعى تۋرالى ايتتى.

سونداي-اق قاسىم-جومارت توقايەۆ باس پروكۋراتۋراعا باسقا ادامداردىڭ كىناسى قانداي دارەجەدە ەكەنىن انىقتاۋدى تاپسىردى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات