ەلوردادا موبيلدى بريگادالار تاۋلىك بويى جۇمىس ىستەۋگە كوشتى

None
None
نۇر-سۇلتان. قازاقپارات - بۇگىننەن باستاپ نۇر-سۇلتان قالاسىنىڭ مەديتسينالىق موبيلدى توپ قىزمەتى تاۋلىك بويى جۇمىس رەجيمىنە كوشتى.

بۇل تۋرالى قالالىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا شتاب وتىرىسىندا ءمالىم ەتتى، دەپ حابارلايدى قازاقپارات ءتىلشىسى.

بۇگىن ەلوردادا قالا اكىمى التاي كولگىنوۆ، دەنساۋلىق ساقتاۋ ءمينيسترى اجار عينيات، سول سياقتى دەنساۋلىق ساقتاۋ باسقارماسى، ەمحانالار مەن ينفەكتسيالىق ستاتسيونارلار باسشىلارىنىڭ قاتىسۋىمەن ەپيدەميولوگيالىق احۋال ماسەلەلەرىنە ارنالعان قالالىق شتابتىڭ وتىرىسى ءوتتى.

اتالعان جيىندا كوروناۆيرۋس ينفەكتسياسىمەن كۇرەس جانە ونىڭ تارالۋىنا جول بەرمەۋ ماسەلەلەرى تالقىلاندى.

قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى ءاليا رۇستەموۆا نۇر-سۇلتاندا ىندەتتى جۇقتىرۋدىڭ كۇرت وسۋىنە بايلانىستى موبيلدى بريگادالار سانىنىڭ 2 ەسەگە ارتقانىن ايتتى.

«ەپيدەميولوگيالىق جاعدايدىڭ ناشارلاۋىنا بايلانىستى 14- قاڭتاردان باستاپ مەديتسينالىق ۇيىمداردىڭ كولل-ورتالىقتارى مەن موبيلدى بريگادالار تاۋلىك بويى جۇمىس رەجيمىنە كوشتى. ەلوردا اكىمدىگى قالا تۇرعىندارىنا قىزمەت كورسەتۋ ءۇشىن قوسىمشا كولىك ءبولىندى. ەپيدجاعدايدىڭ ناشارلاۋىنا بايلانىستى قاشىقتان باقىلاۋ جانە ك ۆ ي انىقتالعان پاتسيەنتتەردى اۋرۋحاناعا جەتكىزۋ جۇمىسى كۇشەيتىلدى»، - دەيدى ول.

باسقارما بەرگەن مالىمەتكە سۇيەنسەك، بۇگىندە قالا بويىنشا 36 مەكەمەدە ك ۆ ي جۇقتىرعان امبۋلاتوريالىق باقىلاۋ جانە ەمدەۋ جۇرگىزەدى. سونداي-اق، قازىرگى ۋاقىتتا 13 مىڭنان استام ك ۆ ي جۇقتىرعان استانالىق امبۋلاتوريالىق ەم الىپ جاتىر. جانە كۇنىنە شامامەن 1500 ناۋقاس موبيلدى بريگادا كومەگىنە جۇگىنەدى.

سوڭعى جاڭالىقتار