21:14, 14 - قاڭتار 2022 | GMT +6
ەكس-دەپۋتات بەكبولات تىلەۋحان ۇستالعانى راس پا؟
نۇر-سۇلتان. قازاقپارات - قازىرگى تاڭدا ەل ىشىندە جۋىردا عانا وكىلەتتىگى توقتاتىلعان دەپۋتات بەكبولات تىلەۋحان ۇستالعانى تۋرالى اڭگىمە تاراپ جاتىر.
الايدا بۇل اقپارات شىندىققا جاناسپايدى. بۇل تۋرالى كازتاگ اقپارات اگەنتتىگىنە ەكس-شەنەۋنىكتىڭ تۋىستارى ءمالىم ەتكەن.
باسىلىم بەكبولات تىلەۋحاندا ءبارى جاقسى ەكەنىن جازادى. سايت دەرەگىنشە، تىلەۋحان بۇگىندە قازاقستاندا ەمەس.
«ول ساۋد ارابياسىندا مەككەدە» دەپ جاۋاپ بەرگەن بۇرىنعى دەپۋتاتتىڭ تۋىستارى.
2021-جىلعى 29- جەلتوقساندا بەكبولات تىلەۋحاننىڭ ءماجىلىس دەپۋتاتى رەتىندەگى وكىلەتتىگى توقتاتىلعان.
بۇرىنعى شەنەۋنىك شەشىمىن دەنساۋلىق جاعدايىمەن، ۇلتتىق سپورتتى دامىتۋمەن بەل شەشە اينالىسۋعا كىرىسكەنىمەن بايلانىستىرعان.
ارتىنشا ول باس كەڭسەسى تۇركيادا ورنالاسقان بۇكىل الەمدىك ەتنوسپورت كونفەدەراتسياسىنىڭ ۆيتسە-پرەزيدەنت بولىپ تاعايىندالعانى حابارلاندى.