جاپپاي ەرەۋىل كەزىندە قىلمىس جاساپ، ءتارتىپ بۇزعاندارعا سوت قانداي ۇكىم شىعاردى

None
None
نۇر-سۇلتان. قازاقپارات - جوعارعى سوتتىڭ باسپا ءسوز قىزمەتىنىڭ جەتەكشىسى ايدوس ءسادۋاقاسوۆ جاپپاي تارتىپسىزدىك كەزىندە قانشا ادامعا سوت ۇكىمىمەن جازا تاعايىندالعانىن ايتتى، دەپ حابارلايدى قازاقپارات.

«توتەنشە جاعدايعا قاراماستان رەسپۋبليكاداعى بارلىق سوتتار قوعامدىق تۇراقتىلىقتى قالپىنا كەلتىرۋگە ۇلەس قوسۋدا. قازاقستان رەسپۋبليكاسى سوتتارىنىڭ 2022-جىلدىڭ باسىنان باستاپ بەيبىت شەرۋلەر مەن ت ج رەجيمى تۋرالى زاڭنامانى بۇزۋمەن بايلانىستى اكىمشىلىك قۇقىق بۇزۋشىلىق تۋرالى قاراعان ىستەرىنىڭ قىسقاشا ستاتيستيكاسىنا توقتالىپ وتەيىن» دەپ جازدى ايدوس ءسادۋاقاسوۆ Facebook پاراقشاسىندا.

ونىڭ ايتۋىنشا، بارلىعى 7085 ماتەريال قارالدى. 2947 قاماۋ، 2621 - ەسكەرتۋ، 1483 ادامعا ايىپپۇل تۇرىندەگى اكىمشىلىك جازا تاعايىندالعان.

ۇساق بۇزاقىلىق ءۇشىن (ا ق ب ت ك- ءنىڭ 434-بابى) 8 ادام، ت ج رەجيمىن بۇزعانى ءۇشىن (ا ق ب ت ك- ءنىڭ 476-بابى) - 5168 ادام، لاڭكەستىككە قارسى وپەراتسيالار وتكىزۋ ايماعىنداعى قۇقىقتىق رەجيمدى بۇزعانى ءۇشىن (ا ق ب تك- ءنىڭ 478-بابى) - 140 ادام، بەيبىت جيىنداردى ۇيىمداستىرۋ مەن وتكىزۋ ءتارتىبى تۋرالى زاڭدى بۇزعانى ءۇشىن (ا ق ب ت ك- ءنىڭ 488-بابى) - 1757 ادام، قۇقىق قورعاۋ جانە ارنايى مەملەكەتتىك ورگان قىزمەتكەرىنىڭ (اسكەري قىزمەتشىنىڭ) زاڭدى تالابىنا باعىنباعانى ءۇشىن (ا ق ب ت ك- ءنىڭ 667-بابى) - 8 ادام، سوت اكتىسىن ورىنداماعانى ءۇشىن (ا ق ب ت ك- ءنىڭ 669-بابى) - 1 ادام، قورعاۋعا الىنعان نىساندارعا زاڭسىز كىرگەنى ءۇشىن (ا ق ب ت ك- ءنىڭ 506-بابى) - 2 ادام، جاس وسپىرىمدەردىڭ زاڭدى وكىلىنسىز تۇنگى ۋاقىتتا ويىن-ساۋىق مەكەمەلەرىندە نەمەسە ۇيىنەن تىس جەردە جۇرگەنى ءۇشىن (ا ق ب ت ك- ءنىڭ 442-بابى) - 1 ادام جاۋاپقا تارتىلدى.


سوڭعى جاڭالىقتار