USD 434.48 EUR 492.61
RUB 5.68 CNY 68.44
جاڭالىقتار

توتەنشە جاعداي كەزىندە ۇشاقپەن ۇشۋ ءتارتىبى

14 قاڭتار 21:30
:ءبولىسۋ
توتەنشە جاعداي كەزىندە ۇشاقپەن ۇشۋ ءتارتىبى

نۇر-سۇلتان. قازاقپارات - قازاقستاندا ورىن العان جاعداي كوبىن ابدىراتىپ تاستادى. ەلدە توتەنشە جاعداي جاريالانىپ، ءجۇرىپ-تۇرۋعا شەكتەۋ قويىلدى، بىرنەشە كۇن ينتەرنەت بولمادى.

جاڭا جىلدىق دەمالىستا شەتەل اسىپ نە ءوڭىر-وڭىرگە جول تارتقان، ۇشاقپەن ساياحاتتاۋعا شىققان جاندار ەلدەن قول ءۇزىپ، جىراقتا قالدى.

ولار تىعىرىقتان قالاي شىعادى، مۇندايدا نە ىستەۋى كەرەك؟ Air Astana اۋە كومپانياسى ءوز ۇسىنىسى مەن كەڭەسىن بەردى.

ۇشاق بيلەتىن قايتارۋعا، نە اۋىستىرۋعا بولادى

ۇشاققا العان بيلەتىم كۇيىپ كەتەدى دەپ قورىقپاڭىز. Air Astana كومپانياسى مۇنداي جاعدايدا بيلەتتى ايىپپۇلسىز قايتارىپ بەرۋگە، نە باسقا كۇنگە اۋىستىرۋعا مۇمكىندىك بەرەدى. ماسەلەن وسى جولعى توتەنشە جاعدايدا بيلەتتى اقپان ايىنىڭ اياعىنا دەيىن كەز كەلگەن كۇنگە تەگىن اۋىستىرۋعا، برون جاساۋعا، نە قايتارىپ، اقىسىن تولىق بەرۋگە جەڭىلدىك جاسالدى. بۇل جەردە ەسكەرەر ءبىر نارسە بار: بيلەتتى قاي جەردەن ساتىپ الساڭىز، سول جەرگە بارىپ قانا اۋىستىرىپ، نە قايتارىپ الا الاسىز.

ەلدە كومەندانتتىق ساعات ەنگىزىلگەندە...

مۇنداي جاعدايدا اۋە كومپانياسى حالىقارالىق جانە ىشكى رەيستەردىڭ ۇشۋ مەن قونۋ ۋاقىتىن سالىستىرىپ، جولاۋشىنى ۇيىنە دەيىن قاۋىپسىز جەتكىزۋدىڭ جولدارىن قاراستىرادى. ەسىڭىزدە بولسىن: قالانىڭ ىشىندە ءجۇرۋ ءۇشىن مىندەتتى تۇردە جەكە ءتولقۇجات پەن وتىرعىزۋ تالونىن الىپ ءجۇرۋىڭىز كەرەك.

سانيتارلىق تالاپتار وزگەرسە

شەتەلگە ۇشاردا، ءتىپتى، تۋروپەراتورمەن شىقساڭىز دا جوسپارلاعان جول شىعىندارىنان بولەك قالتاڭىزعا قوسىمشا قارجى سالىپ العانىڭىز ءجون. الدا-جالدا كەرەك بولىپ قالماسا، ارتىق ەتپەسى انىق.

قازىر الەمدىك پاندەمياعا بايلانىستى سانيتارلىق تالاپتار ءجيى وزگەرىپ جاتىر. ماسەلەن، وتكەن اپتادا قازاقستانعا كىرۋدىڭ سانيتارلىق تالابى وزگەرىپ، ەندى شەتەلدەن ۇشىپ كەلگەندەردىڭ قولىندا مىندەتتى تۇردە پ ت ر- تەست بولۋى ءتيىس دەگەن ەرەجە ەنگىزىلدى.

پ ت ر- تەستىنىڭ باعاسى ءار ەلدە ءارتۇرلى. ال جارامدىلىق مەرزىمى - 72 ساعات.

سانيتارلىق تالاپتاردان حاباردار بولۋ ءۇشىن ق ر دەنساۋلىق ساقتاۋ مينيسترلىگى مەن Air Astana كومپانياسىنىڭ حابار تاراتۋ قىزمەتىنە جازىلىپ الىڭىز.

ينتەرنەت وشىرىلسە، بايلانىسۋ مۇمكىندىگى بولماسا

توتەنشە جاعداي ورناعان كەزدە، ينتەرنەت پەن باسقا دا بايلانىس قۇرالدارى بۇعاتتالاتىنى بەلگىلى. ونداي جاعدايدا كومپانيانىڭ ءوزى دە برونداۋ، بيلەت بەرۋ سىندى تەحنيكالىق قيىندىقتارعا تاپ بولادى. ال ونداي كەزدە اۋە كومپانياسىنىڭ ۇشىپ كەلگەن ەلىڭىزدەگى وكىلدىگىن ىزدەۋگە، سوعان جۇگىنۋگە تىرىسۋ قاجەت. ءىرى اۋە كومپانيالارىنىڭ بارلىعى شەتەلدە ءوز وكىلدىكتەرى بار.

ال ينتەرنەت قوسىلعان، تەلەفون شالۋ مۇمكىن بولسا، وندا Air Astana-نىڭ كولل-ورتالىعىنا حابارلاسىڭىز.

تەلەفون ءنومىرى: 77272444477+، 77172584477+، 77027024477+. ال whats app نومەر 77027020148+، ە- پوشتاسى - call.centre@airastana.com. سونداي-اق www.airastana.com سايتىنداعى چات-بوتپەن بايلانىسۋعا بولادى.

بۇل نومىرلەردى تەلەفونىڭىزعا مىندەتتى تۇردە جازىپ الىڭىز.

رەپاترياتسيالىق رەيسكە ۇلگەرۋ

توتەنشە جاعداي ورناعاندا اۋەبايلانىس قىسقارتىلىپ، نە تولىق توقتاتىلۋى مۇمكىن. مۇندايدا اۋە كومپانياسى شەتەلدەن جولاۋشىلارىن الىپ كەتۋ ءۇشىن ارنايى رەپاترياتسيالىق رەيس ۇيىمداستىرادى. ونىڭ ۋاقىتىن ۇكىمەت بەلگىلەيدى. ءبىراق اۋە كومپانياسى بەلگىلەنگەن ۋاقىتقا ۇلگەرمەۋى، كەشىگىپ جەتۋى مۇمكىن. ويتكەنى شەتەلدەگى ازاماتتاردى الىپ كەتەتىن ۇشاق قازاقستاننان بوس شىعادى. ونىڭ كەلۋىنە ءبىرشاما ۋاقىت كەتەدى.

ال ۇشاقتىڭ كەلۋ ۋاقىتىن ءبىلۋ ءۇشىن اۋە كومپانياسىمەن بايلانىسىپ، رەپاترياتسيالىق رەيسكە تىركەلۋ كەرەك. تۋراگەنتتىكپەن كەلگەندەرگە اگەنتتىك قىزمەتكەرلەرى حابارلاسىپ، وزدەرى ەسكەرتەدى.

سونداي-اق، رەپاترياتسيالىق رەيستەردىڭ ۋاقىتى Air Astana كومپانياسىنىڭ رەسمي سايتىندا دا كورسەتىلگەن. اقپارات ءجيى جاڭارتىلىپ وتىرادى. ءبىر اپتانىڭ ىشىندە Air Astana مەن FlyArystan كومپانيالارى 178 حالىقارالىق، 621 ىشكى رەيسىن كەرى شەگەردى. ەل استاناسى مەن قازاقستاننىڭ باسقا قالالارى اراسىنداعى اۋەبايلانىس 7- قاڭتار، ال الماتىمەن 13- قاڭتار كۇنى ىسكە قوسىلدى. سوعان قاراماستان وسى ۋاقىت ارالىعىندا اۋە كومپانياسى 178 حالىقارالىق رەيس پەن 343 ىشكى رەيستى ورىنداپ، 7500 جولاۋشىنى ەلگە قايتاردى.

ءتىپتى، توتەنشە جاعدايدىڭ وزىندە قازاقستاندىق ازاماتتاردى ەلگە قايتارۋعا مۇمكىندىك تۋدى. اۋە كومپانياسى جولاۋشىلارىن تىعىرىقتان شىعارۋ ءۇشىن جەڭىلدىك جاساپ، قولداۋ كورسەتۋگە ءازىر.

ەلىمىز امان، جۇرتىمىز تىنىش بولسىن!

massaget.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات