USD 434.34 EUR 491.93
RUB 5.56 CNY 68.67
جاڭالىقتار

الماتى تراگەدياسى: ەرەۋىل كەزىندە وققا ۇشقان ب ا ق قىزمەتكەرىنىڭ وتباسىنا ءۇش بولمەلى پاتەر بەرىلەدى

14 قاڭتار 22:16
:ءبولىسۋ
الماتى تراگەدياسى: ەرەۋىل كەزىندە وققا ۇشقان ب ا ق قىزمەتكەرىنىڭ وتباسىنا ءۇش بولمەلى پاتەر بەرىلەدى

الماتى. قازاقپارات - قالا اكىمى باقىتجان ساعىنتايەۆ جۇمىس ساپارى بارىسىندا تەرروريستەر شابۋىلداعان تەلەارنا رەداكسيالارىنا باردى، دەپ حابارلايدى قازاقپارات ءتىلشىسى.

«الماتى» تەلەارناسى ۇجىمىمەن كەزدەسۋدە باقىتجان ساعىنتايەۆ قىزمەتتىك مىندەتتەرىن ورىنداۋ كەزىندە قازا تاپقان جۇرگىزۋشى مۇراتحان بازاربايەۆتىڭ قايتىس بولۋىنا بايلانىستى كوڭىل ايتتى.

ونىڭ وتباسىنا ماتەريالدىق كومەك كورسەتىلىپ، 3 بولمەلى پاتەر بەرىلەتىنىن جەتكىزدى. سونداي-اق اكىم جاراقات العان تەلەوپەراتور دياسكەن بايتيبايەۆقا تەزىرەك ساۋىعىپ كەتۋىن تىلەپ، جولداستارىن ەۆاكۋاتسيالاۋعا كومەكتەسكەن تەلەوپەراتور ارسەن ساندىبايەۆقا العىسىن ءبىلدىردى.

ولارعا ماتەريالدىق قولداۋ، سونداي-اق ودان ءارى وڭالتۋعا كومەك كورسەتىلەتىن بولادى.

باقىتجان ساعىنتايەۆ تەلەارنانىڭ بارلىق قىزمەتكەرلەرىنە تارتىپسىزدىك كەزىندە ازاماتتاردى حاباردار ەتۋ بويىنشا باتىلدىق پەن كاسىبي مىندەتتەردى ورىنداعانى ءۇشىن العىس ايتتى.

قالا اكىمى باندالىق توپتاردىڭ قولىنان زارداپ شەككەن «قازاقستان»، «حابار»، «م ي ر»، «پەرۆىي كانال ەۆرازيا» تەلەارنالارى ورنالاسقان عيماراتتاردى ارالاپ كوردى.

تەحنيكالىق تەكسەرۋدەن كەيىن قىسقا مەرزىمدە قالپىنا كەلتىرۋ باستالادى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات