USD 434.84 EUR 498.2
RUB 5.72 CNY 68.47
جاڭالىقتار

عىلىمي زەرتتەۋ: ادام قانشا جاسقا دەيىن ءومىر سۇرۋگە قابىلەتتى؟

14 قاڭتار 21:57
:ءبولىسۋ
عىلىمي زەرتتەۋ: ادام قانشا جاسقا دەيىن ءومىر سۇرۋگە قابىلەتتى؟

نۇر-سۇلتان. قازاقپارات - 21-عاسىردىڭ سوڭىنا قاراي ادامزاتتىڭ ءومىر ءسۇرۋ ۇزاقتىعى 130 جىلعا دەيىن جەتۋى مۇمكىن.

ال جالپى ادامنىڭ ءوزى دەنساۋلىعىن كۇتىپ ۇستاسا، 180 جاسقا دەيىن جاساي الادى. مۇنى مونرەال ۋنيۆەرسيتەتىنىڭ عالىمدارى ەسەپتەپ شىعاردى.

عالىمداردىڭ بولجاۋىنشا، مەديتسينانىڭ دامۋىنا بايلانىستى 2100-جىلدىڭ سوڭىنا قاراي 110 جاستان اسقان ادامداردىڭ سانى ءبىرشاما ءوسۋى مۇمكىن. قازىردىڭ وزىندە الەمدە 110 جاستان اسقان 12 ادام بار. ءتىپتى، قارتتاردىڭ كەيبىرى 130 جاسقا دەيىن جاساۋى مۇمكىن. ازىرشە 122 جاسقا جەتكەن الەمدە ءبىر-اق ادام بار. ول - جاننا كالمان ەسىمدى فرانسۋز قارياسى. 1997-جىلى قايتىس بولعان.

الايدا زەرتتەۋ اۆتورى، ماتەماتيكا عىلىمدارىنىڭ كانديداتى لەو بەلزيلدىڭ ايتۋىنشا، قارتتاردىڭ كوبەيۋى قوعامعا ءبىرشاما قيىندىق پەن پروبلەمالار اكەلۋى مۇمكىن. اسىرەسە، ەلدىڭ ەكونوميكالىق ءوسىمى مەن الەۋمەتتىك قامسىزداندىرۋ جۇيەسىنە سالماق ءتۇسىرۋى ىقتيمال. قارتتارعا مەديتسينالىق كومەك كورسەتۋ مەن زەينەتاقى تولەۋ، قارتتاردىڭ كوبەيۋىنە بايلانىستى سالىق تولەۋشى ادامداردىڭ ازايۋى سىندى پروبلەمالار شىقپاق.

سونداي-اق، 100 دەن اسقان قارتتاردىڭ دەنساۋلىعىن ساقتاپ قالۋ ءۇشىن ءبىرشاما تەر توگۋ كەرەك.

«ادام 50 جاسقا تولعاننان كەيىن ءولىم قۇشۋ مۇمكىندىگى ەكى ەسە ارتادى. ءبىراق 80 گە تاياۋ باياۋلايدى دا، 110 جاسقا جەتكەن كەزدە كۇرت كوبەيەدى. بۇل جاسقا جەتكەن قاريانىڭ كەلەسى جىلى ءولىم قۇشۋ مۇمكىندىگى 50 پايىزعا تەڭ. ال عاسىر سوڭىنا تاياۋ 50 پايىزعا تەڭ مۇمكىندىك 130-180 جاستاعى قاريالاردا بولۋى ىقتيمال»، - دەيدى وڭتۇستىك كاليفورنيا ۋنيۆەرسيتەتىنىڭ پروفەسسورى ەيلين كريممينس.

massaget.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات