USD 434.24 EUR 492.69
RUB 5.67 CNY 68.46
جاڭالىقتار

قازاقستان ۇلتتىق بانكى كادر رەزەرۆىنە وتىنىمدەردى قابىلداۋ مەرزىمىن ۇزارتادى

14 قاڭتار 19:24
:ءبولىسۋ
قازاقستان ۇلتتىق بانكى كادر رەزەرۆىنە وتىنىمدەردى قابىلداۋ مەرزىمىن ۇزارتادى

نۇر-سۇلتان. قازاقپارات - قازاقستان ۇلتتىق بانكى كادر رەزەرۆىنە ۇمىتكەرلەردى ىرىكتەۋ اياسىندا وتىنىمدەردى قابىلداۋ مەرزىمىن 2022-جىلعى 19 - اقپانعا دەيىن ۇزارتادى.

بۇل تۋرالى ۇ ب- نىڭ باسپا ءسوز قىزمەتىنەن ءمالىم بولدى، دەپ حابارلايدى قازاقپارات.

ەستەرىڭىزگە سالا كەتەيىك، ىرىكتەۋگە قاتىسۋ ءۇشىن قازاقستان ۇلتتىق بانكىنىڭ سايتىندا ەلەكتروندىق رەزيۋمە تولتىرۋ قاجەت.

«كانديداتتاردى ىرىكتەۋ كەزىندەگى نەگىزگى ولشەمشارتتار: ءبىلىمى، جوعارى بىلىكتىلىك دەڭگەيى، جۇمىس تاجىريبەسى، حالىقارالىق سەرتيفيكاتتاردىڭ بولۋى (قارجى، IT سالاسىندا).

كادر رەزەرۆىنە ىرىكتەۋ كەزەڭ-كەزەڭىمەن جۇرگىزىلەدى. ءبىرىنشى كەزەڭ - تۇيىندەمە مەن ۋاجدەمەلىك حات (ەسسە) بەرۋ، ودان كەيىن ولاردى قاراۋ قورىتىندىسى بويىنشا كانديداتتار قازاقستان ۇلتتىق بانكىنىڭ ادام كاپيتالىن دامىتۋ دەپارتامەنتىنىڭ وكىلدەرىمەن، سونداي-اق مۇددەلى بولىمشەلەرىنىڭ باسشىلارىمەن اڭگىمەلەسۋگە شاقىرىلاتىن بولادى»، - دەپ ناقتىلادى باسپا ءسوز قىزمەتى.

ىرىكتەۋدەن وتكەن جانە كادر رەزەرۆىنە الىنعان ىزدەنۋشىلەر جىل ىشىندە قازاقستان ۇلتتىق بانكىنە جۇمىسقا ورنالاسۋى مۇمكىن.

كادر رەزەرۆىنە الىنعان كانديداتتار ءتىزىمى ۇلتتىق بانكتىڭ سايتىندا جاريالانادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات