ارمان ۇرلايتىن مۇعالىم

نۇر- سۇلتان. قازاقپارات - ۇلكەن فەرمانىڭ قوجايىنى ءوز ءۇيىنىڭ قابىرعاسىنا ءبىر كەزدە اسىعىس سالىنعان سۋرەتتى ادەمى رامكاعا سالىپ ءىلىپ قويعان.

قوجايىن جىل سايىن جازدا فەرماسىن وقۋشىلار ءۇشىن دەمالاتىن ورىنعا اينالدىرىپ تۇراتىندىقتان، ول جەرگە كوپ ادامدار كەلىپ تۇردى. سول كەزدە الگى ءىلۋلى تۇرعان سۋرەت تۋرالى بىلگىسى كەلەتىندەر كوپ بولعانمەن، ول اۋىز اشپايتىن.

سۇراقتارىن جاۋاپسىز قالدىراتىن. بيىل جازدا ۇزاق ۋاقىت ساقتاپ كەلگەن سۋرەتتى قولىنا الىپ، وقۋشى بالالارعا باسىنان وتكەن ءومىرى تۋرالى اڭگىمە قوزعادى:

- بۇرىندارى ءبىر وقۋشى بالا بولىپتى. بالانىڭ اكەسى ات ۇيرەتەتىن قاراپايىم ادام ەكەن. بالا باستاۋىش سىنىپتا وقىپ جۇرگەندە ءمۇعالىم بولاشاقتا كىم بولاتىنىن، قانداي ماماندىقتى قالايتىنى تۋرالى جازىپ كەلۋگە تاپسىرما بەرەدى. سول ءتۇنى وقۋشى بالا ءبىر ۇلكەن فەرمانىڭ قوجايىنى بولامىن دەپ ءوز ارمانىن جەتى پاراق سۇتتەي اق قاعازعا جازىپ، فەرمانىڭ نوبايىن سۋرەتكە ءتۇسىرىپ شىعادى. الايدا كەلەسى كۇنى ءمۇعالىم بالانىڭ ءۇي تاپسىرماسىنا سياسى قىزىل قالاممەن F قويىپ، بىلاي دەيدى:

- بالاقاي، سەنىڭ ارمانىڭ ورىندالمايتىن ارمان. قازىر ءوز جاعدايىڭا قاراشى. ەگەر شىنايى ورىندالاتىن ارمانىڭ بولسا، جاقسى باعا بەرەمىن!.

ۇيىنە كەلىپ ءتۇنى بويى ويلانعان سوڭ كەشە جاساعان ءۇي تاپسىرماسىن ەرتەڭىندە قايتا سول كۇيىندە الىپ كەلىپ، وقۋشى مۇعالىمگە بىلاي دەپ ايتقان ەكەن.

- مۇعالىم قانداي باعا بەرسەڭىز دە ءوز ەركىڭىزدە. ءبىراق مەن ءوز ارمانىمدى وزگەرتە المايمىن!

فەرمانىڭ قوجاسى بالالارعا قاراپ تاعى دا بىلاي دەدى: «سەندەر، سول بالانىڭ جۇزەگە اسقان ارمانىنىڭ كۋاسى بولىپ تۇرسىڭدار. بۇل سول بالا سالعان سۋرەت وسى، اينالايىندار! وسىدان ءبىراز جىل بۇرىن ەڭ تومەن باعا قويعان ءمۇعالىم وقۋشىلارىن ەرتىپ، وسى جەرگە كەلىپ كەتتى. ول كىسى جىلاپ، ماعان ءبىر ءسوز ايتقان ەدى.

- مەن وقۋشىلاردىڭ ارمانىن ۇرلاعان ۇرلىقشى ءمۇعالىم بولعان ەكەنمىن. كوپ وقۋشىلاردىڭ ادەمى ارماندارىن ۇرلادىم. ال سەنىڭ جىگەرىڭ مىقتى بولىپ، ايتقانىڭنان قايتپاي ارمانىڭا جەتتىڭ.. !

كورەي جازۋشىسى ي. دوحۋاننىڭ قىسقا اڭگىمەلەرى

islam.kz