الماتى اكىمى بۇلىك كەزىندە كوز جۇمعان قىزدىڭ وتباسىنا باردى
الماتىدا جاپپاي تارتىپسىزدىك بەلەڭ العان تۇستا 4 جاسار ايكوركەم مەلدەحان قايتىس بولىپ، ونىڭ ونىڭ 15 جاسار اپكەسى جانەل جاراقات العان. بۇگىن قالا اكىمى باقىتجان ساعىنتايەۆ قايعىدان قارا جامىلىپ وتىرعان كوپبالالى وتباسىعا باردى. قالا اكىمى قىزدىڭ اكەسى ايدوس مەلدىحان ۇلى جانە اناسى دينارا اداموۆاعا ورنى تولماس قايعىعا بايلانىستى كوڭىل ايتتى. قايتىس بولعان قىزدىڭ اپكەسى جانەل قازىر جاراقاتپەن رەانيماتسيادا جاتىر.
باقىتجان ساعىنتايەۆ جانەلدىڭ ساۋىعىپ كەتۋىن، اتا- اناسىنا توزىمدىلىك پەن شىدامدىلىق تىلەدى. وتباسىعا ماتەريالدىق كومەك كورسەتىلدى. سونىمەن قاتار، ولارعا 3 بولمەلى پاتەر بەرىلەتىن بولدى.
ايتا كەتەيىك، قىزدىڭ ولىمىنە بايلانىستى قازاقستان رەسپۋبليكاسىنىڭ بالالار قۇقىعى جونىندەگى ۋاكىلى ارۋجان ساين بارلىق اتا- انالارعا، الماتىلىقتارعا بارىنشا ساق بولۋ كەرەكتىگىن ەسكەرتكەن بولاتىن سونداي- اق، ول 5 - قاڭتار كۇنى الماتىدا وق جاراقاتىنان 11 جاسار بالا قازا تاپقانىن جانە 7 - قاڭتاردا الماتىداعى بالالار اۋرۋحانالارىنىڭ بىرىنە اۋىر وق جاراقاتىمەن 15 جاستاعى جاسوسپىرىم جەتكىزىلگەنىن ايتقان بولاتىن.
اۆتور: دۋمان ارعىنگەلدى