USD 434.34 EUR 491.93
RUB 5.56 CNY 68.67
جاڭالىقتار

كارانتين: الماتىدا قانداي شەكتەۋلەر بولادى

14 قاڭتار 15:51
:ءبولىسۋ
كارانتين: الماتىدا قانداي شەكتەۋلەر بولادى

الماتى. قازاقپارات - بۇگىنەن باستاپ الماتىدا كارانتين تالاپتارى كۇشەيدى. قالانىڭ باس سانيتاريا دارىگەرى قارلىعاش ءابدىجابباروۆا ەپيدەميولوگيالىق جاعداي كۇردەلەنۋىنە جانە «وميكرون» شتامىنا بايلانىستى جاڭا قاۋلىعا قول قويدى، دەپ حابارلايدى قازاقپارات ءتىلشىسى.

قۇجاتتا الماتىنىڭ ەپيدەميولوگيالىق احۋالدى باعالاۋ ماتريتساسىنىڭ «قىزىل» ايماعىندا ورنالاسقاندىعى كورسەتىلگەن. وسىعان بايلانىستى تۇرعىندار كەلەسى تالاپتاردى قاتاڭ ساقتاۋى كەرەك:

1) Ashyq جوباسىنا 30 ادامعا دەيىن قاتىساتىن وبەكتىلەردە ەسكە الۋ ءراسىمىن جۇرگىزۋدى قوسپاعاندا، اشىق اۋادا دا، ءۇي ىشىندە دە، وتباسىلىق، ەسكە الۋ ءىس- شارالارىن قوسا العاندا، ونىڭ ىشىندە ۇيدە وتەتىن بۇقارالىق ءىس- شارانى وتكىزۋگە جانە ولارعا قاتىسۋعا تىيىم سالۋ؛

2) قوعامدىق ورىندارعا، ونىڭ ىشىندە قالالىق قوعامدىق كولىككە جانە قىزمەتىنە رۇقسات ەتىلگەن وبەكتىلەرگە بارعان كەزدە، سونداي- اق قوعامدىق ورىنداردا اشىق اۋادا بولعان كەزدە (5 جاسقا دەيىنگى بالالاردى قوسپاعاندا جانە اشىق اۋادا سپورتپەن شۇعىلدانعان كەزدە) - بەتپەردە تاعۋ، الەۋمەتتىك قاشىقتى ساقتاۋ جانە انتيسەپتيكتى پايدالانۋ؛

3) پ ت ر سىنامانىڭ وڭ ناتيجەسىن العان كەزدە («قىزىل مارتەبە» ) جانە COVID-19 ناۋقاسپەن جاقىن بايلانىستا بولعان كەزدە («سارى مارتەبە» ) (جاقىن بايلانىس) جانە COVID-19-عا قارسى ۆاكسيناتسيانىڭ تولىق كۋرسىن العانى تۋرالى قۇجاتتىق راستاۋ بولماعان كەزدە-14 كۇن ىشىندە ءوزىن- ءوزى وقشاۋلاۋ رەجيمى. سونىمەن قاتار، سپورت- ساۋىقتىرۋ ورتالىعىنا، فيتنەس ورتالىققا، يوگا ورتالىقتارىنا، مونشا، ساۋنا، باسسەيندەرگە كىرۋگە 2022 -جىلعى 15 - قاڭتاردان باستاپ Ashyq «جاسىل» مارتەبەسى بار ادامدارعا عانا رۇقسات ەتىلەدى.

سونداي- اق، Ashyq جوباسىنا 30 ادامعا دەيىن قاتىساتىن وبەكتىلەردە ەسكە الۋ شارالارىن وتكىزۋدى قوسپاعاندا، اشىق اۋادا دا، ءۇي ىشىندە دە، وتباسىلىق، ەسكە الۋ ءىس- شارالارىن قوسا العاندا، ونىڭ ىشىندە ۇيدە دە بۇقارالىق ءىس- شارالاردى وتكىزۋگە تىيىم سالىندى.

Ashyq جوباسىنا قاتىسۋىنا قاراماستان تىيىم سالۋ:

- كونسەرت زالدارى، تەاتر، سيرك، فيلارمونيالاردىڭ قىزمەتىنە؛

- ءدىني بىرلەستىكتەر وبەكتىلەرىندە (مەشىت، شىركەۋ، سوبور، سيناگوگا جانە ت. ب. ) ۇجىمدىق ءىس- شارالار (جۇما نامازى، ءدىني جورالار جانە ت. ب. ) وتكىزۋگە؛

- كونفەرەنسيا، سەمينار، كورمە، فورۋمدار وتكىزۋگە؛

- تۇنگى كلۋبتاردىڭ قىزمەتىنە؛

- قوعامدىق تاماقتانۋ وبەكتىلەرىندە بار تاعاندارعا قىزمەت كورسەتۋگە، ءان ايتۋ جانە بي قىزمەتتەرىن ۇسىنا وتىرىپ، كاراوكە قىزمەتىنە (قوعامدىق تاماقتانۋ بويىنشا قىزمەتتەردى قوسپاعاندا)؛

- جەكە كەزدەسۋلەر وتكىزۋگە (10 ەگىلگەن ادامعا دەيىن). الماتى قالاسىنىڭ باس سانيتارلىق دارىگەرى قىسقارتۋ تۋرالى قاۋلى قابىلدادى:

- قوعامدىق تاماقتانۋ وبەكتىلەرىندە ءبىر ۇستەلگە كەلۋشىلەر سانى 4 ادامعا دەيىن (ءارتۇرلى ءۇي شارۋاشىلىقتارىنان)؛

- قىزىل ايماقتاعى كينوتەاترلاردىڭ (Ashyq جوباسىنا قاتىسۋشىلاردىڭ) تولىمدىلىعى - % 30- دان اسپايدى. تىرشىلىكتى قامتاماسىز ەتۋ جانە كوممۋنالدىق شارۋاشىلىق وبەكتىلەرىن قوسپاعاندا، قىزمەتكەرلەردى COVID-19-عا قارسى ۆاكسيناتسيا جانە ريەۆاكسيناتسيا جۇرگىزۋگە قاراماستان، مەملەكەتتىك ورگاندار (ۇيىمدار)، ۇلتتىق كومپانيالار، كاسىپورىندار پەرسونالىنىڭ كەمىندە % 70- ى قاشىقتان جۇمىس نىسانىنا اۋىستىرىلسىن. مەنشىك نىسانىنا قاراماستان مەكتەپتەردە وقىتۋ قاشىقتان فورماتتا بولادى.

بارلىق كۋرستاردىڭ ستۋدەنتتەرى ءۇشىن جوعارى وقۋ ورىندارى مەن كوللەدجدەردىڭ جۇمىسىن ارالاس وقىتۋ فورماتىندا ۇيىمداستىرۋ:

بارلىق دارىستەر - ونلاين، پراكتيكا، زەرتحانا، سەمينار ساباقتار - ىڭعايلى كەستە بويىنشا شتاتتى فورماتتا. ۆاكسيناتسيانىڭ تولىق كۋرسىن اياقتاعان ۆاكسيناتسيالانعان ستۋدەنتتەردى وقۋ ورنى اكىمشىلىگىنىڭ قالاۋى بويىنشا شتاتتىق رەجيمدە وقىتۋعا جول بەرىلەدى.

قوسىمشا ءبىلىم بەرۋ ۇيىمدارىندا جەكە ساباق وقىتۋ - تۇراقتى رەجيمدە، توپتىق ساباقتى - 10 ادامعا دەيىن، بالالار مەن ەرەسەكتەرگە ارنالعان تۇزەتۋ ورتالىقتارىندا، جەكە جانە توپتىق ساباقتاردا - تۇراقتى رەجيمدە - 10 ادامعا دەيىن. سونداي- اق مونيتورينگ توپتارىنىڭ جۇمىسى كۇشەيتىلەدى. قاۋلى 14 -قاڭتاردان باستاپ كۇشىنە ەنەدى.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات