USD 424.84 EUR 453.6
RUB 7.3 CNY 63.91
جاڭالىقتار

الماتى اۋەجايىندا قاۋىپسىزدىك شارالارى كۇشەيتىلدى

14 قاڭتار 14:54
:ءبولىسۋ
الماتى اۋەجايىندا قاۋىپسىزدىك شارالارى كۇشەيتىلدى

الماتى. قازاقپارات - كولىك پوليتسياسى الماتى اۋەجايىندا قوعامدىق ءتارتىپتى قاداعالاۋ بويىنشا قوسىمشا شارالار قابىلدادى، دەپ حابارلايدى قازاقپارات ءتىلشىسى.

الماتى قالاسى اۋەجايىنداعى جەلىلىك پوليتسيا ءبولىمىنىڭ باستىعى تالعات ءتالىپوۆتىڭ ايتۋىنشا، اۋەجايداعى كولىك ساقشىلارى كۇشەيتىلگەن رەجيمدە جۇمىس ىستەپ جاتىر. پوليتسەيلەر قوعامدىق ءتارتىپ پەن جۇكتەردى ساقتاۋعا، سونداي-اق ىزدەستىرۋدە جۇرگەن تۇلعالاردى انىقتاۋعا باسا كوڭىل بولۋدە.

«جەكە قۇراممەن جولاۋشىلارعا بارىنشا كومەك كورسەتۋگە باعىتتالعان ءتيىستى نۇسقامالار جۇرگىزىلۋدە. اۆياتسيالىق قاۋىپسىزدىك قىزمەتى وكىلدەرىمەن بىرلەسىپ، مەتالل ىزدەۋ قۇرىلعىلارى ارقىلى تەكسەرىس جۇرگىزىلىپ جاتىر. قازىر تەرمينالعا كىرۋگە تەك ۇشاتىن جولاۋشىلارعا رۇقسات بەرىلگەن. جولاۋشىلار مەن ولاردىڭ جۇكتەرى تەكسەرىلەدى»، - دەدى ول.

وسىعان بايلانىستى ول جولاۋشىلاردان پوليتسيا قىزمەتكەرلەرىنىڭ ولاردىڭ قۇجاتتارىن تەكسەرۋ كەزىندەگى ارەكەتتەرىنە تۇسىنىستىكپەن قاراۋىن سۇرايدى.

«تىيىم سالىنعان زاتتاردى ساقتاۋ، تاسىمالداۋ ارەكەتى اكىمشىلىك جانە قىلمىستىق جاۋاپكەرشىلىككە اكەپ سوقتىراتىنىن اتاپ وتكىم كەلەدى»، - دەدى تالعات ءتالىپوۆ.

بۇدان باسقا شەتەل ازاماتتارىنىڭ جانە ازاماتتىعى جوق تۇلعالاردىڭ ق ر كوشى- قون زاڭناماسى تالاپتارىن ساقتاۋىنا باقىلاۋ كۇشەيتىلگەن.

«قازىرگى ۋاقىتتا ەلىمىزدەگى سانيتارلىق- ەپيدەميولوگيالىق جاعدايدىڭ جاقسارماي، كەرىسىنشە، كۇن سايىن covid-19 دياگنوزى راستالعان تۇلعالاردىڭ سانى ارتىپ وتىرعانىن قاپەرگە الامىز. وسىعان قاراي، ازاماتتارعا اۋەجايلار مەن باسقا دا قوعامدىق ورىنداردا قاۋىپسىزدىك شارالارىن ساقتاۋلارىن، جەكە قورعانۋ قۇرالدارىن قولدانۋلارىن سۇرايمىز»، - دەپ قوستى ول.

اۆتور: دۋمان ارعىنگەلدى


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ

مۇراعات