الماتىدا بولعان وقيعالاردى پوليتسەي ولەڭ جولدارىمەن باياندادى

الماتى. قازاقپارات- الماتىدا بولعان وقيعالاردى بوستاندىق اۋداندىق پوليتسيا باسقارماسىنىڭ يۋۆەنالدى پوليتسيا ءبولىمىنىڭ ينسپەكتورى، پوليتسيا اعا لەيتەنانتى دينارا ماعزۇموۆا ولەڭمەن باياندادى، دەپ حابارلايدى قازاقپارات ءتىلشىسى.

«مەنىڭ جولداسىم دا پوليتسيا قىزمەتكەرى. بەس كۇن بويى تارتىپسىزدىكتەر مەن پوليتسيا عيماراتتارىنا جاسالعان لاڭكەستىك ارەكەتتەردىڭ جولىن كەسۋگە قىزمەت ەتتى. ءبىز - جاس وتباسىمىز. شىنىمدى ايتسام، مەن ول ءۇشىن قاتتى ۋايىمدادىم. 4-قاڭتاردا بۇكىل جەكە قۇرام قىزمەتكەرلەرى ارنايى دابىلمەن شاقىرىلعاندا، مەن اسىعىس ۇيالى تەلەفونىما ءتورت شۋماق ولەڭىمدى تەرىپ، جولداسىمدى قولداۋ ءۇشىن جىبەردىم. ءبىراز ۋاقىتتان كەيىن «كەڭ بايتاق - رۋحتى ەل قازاق دالاسى!» دەپ وسى شىعارمانى جازدىم»، - دەيدى اعا لەيتەنانت دينارا ماعزۇموۆا.

ونىڭ ايتۋىنشا، ول بالا كەزىنەن ولەڭ جازادى. كىتاپ شىعارۋ ويىندا بار.

«ءبىراق بۇل بولاشاقتىڭ ەنشىسىندە. ال ازىرشە مەن ءوزىمدى ەلدىڭ اماندىعى مەن ازاماتتاردىڭ قاۋىپسىزدىگى جولىندا جۇمىس ىستەۋگە ارنادىم»، - دەدى، پوليتسيا ينسپەكتورى.

اۆتور: الما مۇقانوۆا