الماتىنىڭ باس سانيتارلىق دارىگەرى «وميكرون» شتامى «دەلتانى» ىعىستىراتىنىن ايتتى

الماتى. قازاقپارات - «وميكرون» شتامى جاقىن ارادا «دەلتانى» ىعىستىراتىن بولادى.

بۇل تۋرالى الماتى قالاسىنىڭ باس سانيتارلىق دارىگەرى قارلىعاش ءابدىجابباروۆا ونلاين بريفينگ بارىسىندا ءمالىم ەتتى، دەپ حابارلايدى قازاقپارات ءتىلشىسى.

«كوروناۆيرۋستىڭ جاڭادان پايدا بولعان «وميكرون» شتامى حالىق اراسىندا كوپ تارايدى جانە جاقىن ارادا «دەلتانى» ىعىستىرادى»، - دەيدى ول.

الماتىنىڭ باس سانيتارلىق دارىگەرى ۇجىمدىق يممۋنيتەتتىڭ قاجەتتى دەڭگەيىنە جەتۋ ءۇشىن ۆاكسينا الۋ كەرەكتىگىن ەسكەرتتى.

«الماتىدا كوروناۆيرۋسقا قارسى يممۋندىق قابات جەتكىلىكسىز جانە شامامەن %60 دى قۇرايدى (ۆاكسيناتسيالانعانداردىڭ %51,3+ سوڭعى جىلى اۋىرىپ اۋىرعانداردىڭ %8,2)»، - دەيدى سپيكەر.

قارلىعاش ءابدىجابباروۆا العاشقى يممۋنيزاتسيادان وتكەن ازاماتتاردى رەۆاكسيناتسياعا كەلۋگە شاقىردى.

«الەمنىڭ جەتەكشى عالىمدارى مەن ساراپشىلارىنىڭ دەرەكتەرى بويىنشا، قولدانىستاعى ۆاكسينالارمەن رەۆاكسيناتسيا «وميكرون» شتامىمەن ينفەكسيا كەزىندە اسقىنعان جانە ءولىم جاعدايلارىن اۋرۋحاناعا جاتقىزۋدان %70 عا قورعايدى. مەن ۆاكسيناتسيالانباعان ازاماتتاردى ەكىنشى كومپونەنتتى العاننان كەيىن 6 ايدان كەيىن قايتا ۆاكسيناتسيالاۋعا شاقىرامىن. بۇل كەزەڭدە قالانىڭ بارلىق تۇرعىندارىنا شەكتەۋ شارالارىنىڭ تالاپتارىن قاتاڭ ساقتاۋ، قوعامدىق ورىنداردا الەۋمەتتىك قاشىقتىق پەن بەتپەردە رەجيمىن ساقتاۋ وتە ماڭىزدى»، - دەيدى قارلىعاش ءابدىجابباروۆا.

سپيكەر 20-30 جاس ارالىعىنداعى جاس تۇرعىندار ءۇشىن «وميكرون» شتامى قاۋىپتى ەكەنىن تىلگە تيەك ەتتى.

ونىڭ ايتۋىنشا، ۆيرۋستىڭ بۇل نۇسقاسى ەرەكشە جانە وسى جاستاعىلارعا اسەر ەتەدى.

«كوروناۆيرۋستى جۇقتىرعانداردىڭ ۇلەسى 20 جاستان 40 جاسقا دەيىنگى ادامدار اراسىندا %16,4 عا، جاسوسپىرىمدەر اراسىندا %1,1 عا كۇرت ءوستى، بۇل وميكرون شتامىنا دا ءتان»، - دەدى ول.

اۆتور: دۋمان ارعىنگەلدى