USD 434.34 EUR 491.93
RUB 5.56 CNY 68.67
جاڭالىقتار

الماتىدا مەكتەپ وقۋشىلارى قاشىقتان وقىتۋ فورماتىنا كوشەدى - ءلاززات جىلقىبايەۆا

14 قاڭتار 13:40
:ءبولىسۋ
الماتىدا مەكتەپ وقۋشىلارى قاشىقتان وقىتۋ فورماتىنا كوشەدى - ءلاززات جىلقىبايەۆا

الماتى. قازاقپارات - الماتىدا ەپيدەميولوگيالىق جاعدايدىڭ ناشارلاۋىنا بايلانىستى مەكتەپ وقۋشىلارى 17-قاڭتاردان باستاپ قاشىقتان وقىتۋ فورماتىنا كوشەدى.

الماتىنىڭ باس سانيتار دارىگەرىنىڭ جاڭا قاۋلىسى شىقتى بۇل تۋرالى الماتى قالاسى ءبىلىم باسقارماسىنىڭ باسشىسى ءلاززات جىلقىبايەۆا ايتتى، دەپ حابارلايدى قازاقپارات ءتىلشىسى.

«الماتى قالاسىنىنىڭ باس مەملەكەتتىك سانيتارلىق دارىگەرىنىڭ 13-قاڭتارداعى قاۋلىسىمەن مەكتەپ وقۋشىلارى 17-قاڭتاردان باستاپ قاشىقتان وقىتۋ فورماتىنا كوشەدى. وقۋ پروتسەسىن قاشىقتان ۇيىمداستىرۋ ءۇشىن بارلىق قاجەتتى جاعدايلار جاسالعان، اتاپ ايتقاندا، وقۋشىلار كومپيۋتەرلەر مەن نوۋتبۋكتەرمەن قامتاماسىز ەتىلگەن. قالادا ينتەرنەتكە قاتىستى جاعداي تۇراقتى، مەكتەپتەردىڭ ينتەرنەتكە قوسىلۋى قامتاماسىز ەتىلگەن»، - دەدى ول.

سونداي-اق ونىڭ ايتۋىنشا، اتا-انالاردىڭ قوسىمشا كومپيۋتەر نەمەسە نوۋتبۋككە، ينتەرنەتكە قاتىستى سۇراقتارى بويىنشا مەكتەپتىڭ ءبىرىنشى باسشىلارىنا نەمەسە اۋداندىق ءبىلىم بولىمدەرىنىڭ باسشىلارىنا حابارلاسا الادى جانە ولار اتالعان ماسەلەلەردى شەشۋگە كومەكتەسەتىن بولادى. بۇگىندە وقىتۋدىڭ پلاتفورمالارى انىقتالعان (Online Mektep, Bilim Land, Microsoft Teams).

سونىمەن قاتار، وقۋشىلارعا ىڭعايلى بولۋ ءۇشىن بۇرىن پايدالانعان پلاتفورمالاردى مەكتەپتەر وزدەرى تاڭداپ، وقىتۋ بارىسىندا قولدانا الادى.

«بىزدە قاشىقتان جۇمىس ىستەۋ تاجىريبەمىز بار، مۇعالىمدەر وتكەن جىلى سيفرلىق ساۋاتتىلىق كۋرستارىنان ءوتتى جانە ءوز جۇمىستارىن ونلاين رەجيمىندە جەتىلدىرەتىن بولادى»، - دەپ اتاپ ءوتتى ءلاززات جىلقىبايەۆا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات