13:09, 14 - قاڭتار 2022 | GMT +6
باتىس قازاقستاندا جول اپاتىنان بەس ادام قازا تاپتى
ورال. قازاقپارات - باتىس قازاقستان وبلىسىندا جول اپاتىنان بەس ادام قازا تاپتى، دەپ حابارلايدى قازاقپارات ءتىلشىسى.
ب ق و ت ج دەپارتامەنتىنىڭ باسپا ءسوز قىزمەتى ءمالىم ەتكەنىندەي، وقيعا بۇگىن ساعات 07.57-دە اتىراۋ- ورال جولىنىڭ 238-شاقىرىمىندا اقجايىق اۋدانى اۋماعىندا بولدى. تايپاق پەن المالى اۋىلدارىنىڭ اراسىندا، ءورت ءسوندىرۋ بەكەتىنەن 18 شاقىرىم جەردە مال ازىعى تيەلگەن تىركەمەسى بار «كاماز» بەن «تويوتا كامري» اۆتوكولىگى بەتپە-بەت سوقتىعىسقان. سونىڭ سالدارىنان جەڭىل كولىك تۇگەلدەي ورتەنىپ كەتتى.
«كاماز» جۇك كولىگىنىڭ كابيناسى دا جاندى. جەڭىل كولىكتەن 5 ادامنىڭ مۇردەسى شىعارىلدى. وقيعا ورنىندا ءورت سوندىرۋشىلەر مەن پوليتسيا قىزمەتكەرلەرى جۇمىس ىستەدى. ب ق و پوليتسيا دەپارتامەنتىنىڭ باسپا ءسوز قىزمەتى وقيعانى راستادى.
اۆتور: ەلجان ەرالى