جەلىدە تاراعان بالا مەن ساربازدىڭ سۋرەتى شىمكەنتتە تۇسىرىلگەن

شىمكەنت. قازاقپارات - ەل ىشىندە جاپپاي تارتىپسىزدىك ورناعان كەزىندە اسكەري قىزمەتشىنىڭ قولىن الىپ تۇرعان بالانىڭ فوتوسى كوپشىلىكتى ەلجىرەتتى.

بۇگىن سول سۋرەتتەگى ساربازدىڭ كىم ەكەنى انىقتالدى، دەپ حابارلايدى قازاقپارات ءتىلشىسى. فوتوداعى كەيىپكەر - ۇلتتىق ۇلان «وڭتۇستىك» وڭىرلىك قولباسشىلىعىنا قاراستى 6698 اسكەري بولىمىندە قىزمەت ەتەتىن ەفرەيتور شاحرۋح حاسانوۆ بولىپ شىقتى. ول 4-قاڭتاردا دابىل بەلگىسىمەن قىزمەتكە كەلگەن. سودان شىمكەنت قالالىق اكىمدىگىنىڭ ماڭىنا قوعامدىق ءتارتىپ پەن قاۋىپسىزدىكتى قامتاماسىز ەتۋگە شىققان.

«سۋرەت 7-قاڭتاردا ءتۇسىرىلدى. اكىمدىك الدىنداعى الاڭدا قىزمەت اتقارىپ تۇرعانىمدا ءبىر كىشكەنتاي بالاقاي جۇگىرىپ كەلىپ، سالەم بەردى. بالانىڭ قولىن الىپ، باسىنان سيپاپ، اكەسىنە قاراي جىبەردىم»، - دەيدى شاحرۋح حاسانوۆ.

ال وسى ءساتتى سول ماڭايدا ءتۇسىرىلىم جاساپ جۇرگەن «Otyrar tv» جۋرناليستەرى فوتوعا ءتۇسىرىپ العان. جەلى ارقىلى تاراعان سۋرەتتىڭ بۇگىندە انيماتسيالىق بەينەسى دە جاسالىپ، الەۋمەتتىك توپتاردا كەڭىنەن تارالىپ جاتىر.

اۆتور: قايرات زاينيشەۆ