الماتىدا بالاباقشالار جۇمىسىن قاشان باستايدى

None
None
الماتى. قازاقپارات - الماتىنىڭ ءبىلىم بەرۋ ۇيىمدارى ءۇشىنشى وقۋ توقسانىنىڭ باستالۋىنا قاجەتتى دايىندىق جۇمىستارىن جۇرگىزۋدە.

بۇل تۋرالى ونلاين بريفينگتە قالالىق ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى، دەپ حابارلايدى قازاقپارات ءتىلشىسى.

ونىڭ ايتۋىنشا، 5-قاڭتاردان باستاپ قالاداعى قالىپتاسقان جاعداي مەن قابىلدانعان قاۋىپسىزدىك شارالارىنا بايلانىستى مەكتەپكە دەيىنگى 860 ۇيىمنىڭ جۇمىسى ۋاقىتشا توقتاتىلعان. ولاردا 71 مىڭنان استام بالا تاربيە، ءبىلىم الادى.

«توتەنشە جاعداي رەجيمى اياقتالعان سوڭ، 20-قاڭتاردان باستاپ بالاباقشالار ءوز جۇمىسىن باستايدى. بۇل رەتتە قالاداعى ەپيدەميولوگيالىق جاعداي مىندەتتى تۇردە ەسكەرىلەتىن بولادى، سوندىقتان بالاباقشالار كەزەكشى توپ رەجيمىندە جۇمىس ىستەۋى مۇمكىن. ءبىز اتا-انالار مەن بارلىق قىزمەتكەرلەردى مەكتەپكە دەيىنگى مەكەمەلەردىڭ جۇمىس ءتارتىبى تۋرالى قوسىمشا حاباردار ەتەمىز»، - دەدى ءبىلىم باسقارماسىنىڭ باسشىسى.

اۆتور: دۋمان ارعىنگەلدى


سوڭعى جاڭالىقتار