الماتىدا ەپيدەميولوگيالىق جاعداي كۇرت ناشارلادى - قارلىعاش ءادبىجابباروۆا

الماتى. قازاقپارات - الماتىدا كوروناۆيرۋس ينفەكسياسىن جۇقتىرعانداردىڭ سانى كوبەيىپ كەلەدى.

بۇل تۋرالى ونلاين بريفينگ بارىسىندا الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى قارلىعاش ءادبىجابباروۆا ايتتى، دەپ حابارلايدى قازاقپارات ءتىلشىسى.

«الماتى قالاسىندا ك ۆ ي بويىنشا ەپيدەميولوگيالىق جاعداي كۇرت ناشارلادى، ق ر بويىنشا ەپيدەميولوگيالىق جاعدايدى باعالاۋ ماتريتساسىندا قالا ءۇشىنشى كۇن «قىزىل» ايماقتا ورنالاسقان. اپتالىق سىرقاتتانۋشىلىق 100 مىڭ تۇرعىنعا شاققاندا 2,2 ەسە ءوستى»، - دەيدى سپيكەر.

ونىڭ ايتۋىنشا، ەپيدەميانىڭ تاعى ءبىر تولقىنى جاڭا جىلدىق مەرەكەلەر مەن بەلگىلى وقيعالاردان كەيىن جانە «وميكرون» شتاممىنا بايلانىستى بولىپ وتىر. بۇل زەرتحانالىق تۇردە بيىلعى جىلدىڭ 6 قاڭتارداعى تولىق گەنومدىق سەكۆەنيرلەۋ ناتيجەلەرىمەن راستالادى.

«ق ر د س م- دە 96 سىنامادان 8 سىنامادا وميكرون شتاممى انىقتالدى، ونىڭ ىشىندە 7 سىناما الماتى قالاسىنان بولدى. «دەلتا» شتاممدارى سىنامالاردىڭ %71 ىندا انىقتالدى، «دەلتا - پليۋس» - %16 دا، باسقا شتاممدار - %4,7 پايىز.

«وميكرون» شتاممىنا ءتان الماتى قالاسىنداعى ەپيدەميولوگيالىق پروتسەستىڭ ەرەكشەلىكتەرى - اسا جوعارى جۇقپالىلىعى (تارالۋ كوەففيتسيەنتى 1:5)، يممۋنيتەتكە توتەپ بەرۋ قابىلەتى، قايتا جۇقتىرۋ قاۋپىنىڭ جوعارىلاۋى جانە 20-30 جاس ارالىعىنداعى ازاماتتاردىڭ زاقىمدانۋى بايقالادى» - دەيدى ول.

سونىمەن قاتار، ول اپتا سايىنعى سىرقاتتانۋشىلىق بۇرىن ك ۆ ي- مەن اۋىرىپ ساۋىققان ادامداردىڭ قايتا جۇقتىرۋ جاعدايلارى كۇرت وسكەنىن ايتتى.

اۆتور: الما مۇقانوۆا