USD 434.34 EUR 491.93
RUB 5.56 CNY 68.67
جاڭالىقتار

پرەزيدەنت حالىقتى تولعاندىرعان ماسەلەلەردەن حاباردار ەكەنىن كورسەتتى

14 قاڭتار 08:32
:ءبولىسۋ
پرەزيدەنت حالىقتى تولعاندىرعان ماسەلەلەردەن حاباردار ەكەنىن كورسەتتى

وسكەمەن. قازاقپارات - «ۇلاعات» جاستار قوعامدىق بىرلەستىگىنىڭ ءتورايىمى اياۋجان ءاشىموۆا ق ر پرەزيدەنتى قاسىم- جومارت توقايەۆتىڭ پارلامەنت ءماجىلىسىنىڭ وتىرىسىندا جاساعان مالىمدەمەسىنە قاتىستى ءوز ويىمەن ءبولىستى، دەپ حابارلايدى قازاقپارات ءتىلشىسى.

«مەملەكەت باسشىسى ەڭ نەگىزگى دەگەن بارلىق سالاعا توقتالىپ، ەل تۇرعىندارىن تولعاندىرعان ماسەلەلەردى تۇگەل ايتتى. ونىڭ ىشىندە ۋتيلدىك الىم، بايلار مەن كەدەيلەر اراسىندا ۇلكەن الشاقتىق بارىن العاش رەت مالىمدەپ، مۇعالىمدەر مەن جاستارعا قاتىستى ءسوز قوزعادى. ءوزىم جاستار قوعامدىق ۇيىمىنىڭ جەتەكشىسى بولعاندىقتان ماعان پرەزيدەنتتىڭ ءبىلىم ساپاسىن ارتتىرۋعا قاتىستى قويعان مىندەتتەرى ەرەكشە اسەر ەتتى»، - دەيدى اياۋجان ءاشىموۆا.

ونىڭ ايتۋىنشا، قازىر مەملەكەت پەن قازاقستاندىقتاردىڭ الدىندا جاستار ساياساتىن جولعا قويىپ، وسى ۋاقىتقا دەيىن جىبەرىلگەن ولقىلىقتاردى تۇزەپ قانا قويماي، كەلەشەكتە مۇنىڭ الدىن الۋ ءۇشىن قولدان كەلگەننىڭ ءبارىن جاساۋ مىندەتى تۇر.

«جاستارىمىز ءبىلىمدى بولسا، ءوز جولىن تاۋىپ، ەلگە پايداسىن تيگىزەدى. تاريحتى بىلسە، وتكەننىڭ قاتەلىگىن جاسامايدى. ءبىراق ەڭ باستىسى، وسكەلەڭ ۇرپاقتىڭ بويىنا رۋحاني قۇندىلىقتاردى سىڭىرسەك، ناعىز پاتريوتتاردىڭ قالىپتاساتىندىعى انىق. قورىتا ايتقاندا، قاسىم- جومارت كەمەل ۇلى ءوز مالىمدەمەسىندە حالىقتى تولعاندىرعان ماسەلەلەردەن حاباردار ەكەندىگىن كورسەتتى»، - دەيدى «ۇلاعات» جاستار قوعامدىق بىرلەستىگىنىڭ ءتورايىمى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات