قۇرىلىس كومپانيالارى الماتىنىڭ كەلبەتىن جاقسارتۋعا دايىن
كەزدەسۋ بارىسىندا قيراعان عيماراتتاردى قالپىنا كەلتىرۋ جانە قالانىڭ الەۋمەتتىك ينفراقۇرىلىمىن ودان ءارى دامىتۋ ماسەلەلەرىن تالقىلادى، دەپ حابارلايدى قازاقپارات ءتىلشىسى.
قالا باسشىسى جاپپاي تارتىپسىزدىكتەر بارىسىندا بۇزىلعان اكىمشىلىك جانە باسقا دا عيماراتتاردى قالپىنا كەلتىرۋ قاجەتتىگىنە نازار اۋداردى. قىسقا مەرزىمدە جاعدايدى باعالاۋدى جۇرگىزۋ جانە جوندەۋ- قالپىنا كەلتىرۋ جۇمىستارىنا كىرىسۋ مىندەتى تۇر.
قۇرىلىس سالاسى وداعىنىڭ ءتوراعاسى ەرالى ساۋرانبايەۆتىڭ ايتۋىنشا، كومپانيا باسشىلارى قالانى قالپىنا كەلتىرۋگە جانە الماتىنىڭ كەلبەتىن جاقسارتۋعا بەلسەندى قاتىسۋعا دايىن. بۇگىندە قۇرىلىس كومپانيالارى قىزمەتكەرلەرى قالا اكىمدىگى عيماراتىن تازارتىپ جاتىر. وعان شامامەن 660 ادام جۇمىلدىرىلىپ، جاقىن ارادا تازارتۋ جۇمىستارى اياقتالادى. قيراعان جيھاز، كەڭسە تەحنيكاسى، قوقىس جينالىپ، كادەگە جاراتۋ ءۇشىن پوليگوندارعا شىعارىلادى.