ەلوردادا كومەندانت ساعاتى كەزىندە جولاۋشىلاردى قارسى الۋعا جانە شىعارىپ سالۋعا رۇقسات ەتىلدى

نۇر- سۇلتان. قازاقپارات - كومەندانت ساعاتى كەزىندە ەلوردادا اۋەجاي مەن تەمىرجول ۆوكزالدارىنان جولاۋشىلاردى قارسى الۋعا جانە شىعارىپ سالۋعا رۇقسات بەرىلەدى، دەپ حابارلايدى قازاقپارات قالا اكىمدىگىنە سىلتەمە جاساپ.

تالاپ ەتىلەتىنى - بيلەتتى (سۋرەتى) جانە جەكە باستى كۋالاندىراتىن قۇجاتتاردى مىندەتتى تۇردە وزىمەن بىرگە الىپ ءجۇرۋ كەرەك.

«بۇل شارالار جولاۋشىلارعا ىڭعايلى بولۋ ءۇشىن قابىلداندى. سونداي- اق، كومەندانتتىق ساعات كەزىندە جولاۋشىلاردى جەتكىزۋ ماقساتىندا قالا اكىمدىگىنىڭ كولىك جانە جول- كولىك ينفراقۇرىلىمىن دامىتۋ باسقارماسى مەن CTS ج ش س «نۇرسۇلتان نازاربايەۆ حالىقارالىق اۋەجايى» - «نۇرلى جول ۆوكزالى» قاتىناسىنداعى مارشرۋتتىق اۆتوبۋستاردى ارنايى ىسكە قوستى، ولار 21:00 دەن تاڭعى 06:00 گە دەيىن قاتىنايدى»، دەلىنگەن كومەنداتۋرا حابارلاماسىندا.

كومەنداتۋرا قالادا كومەندانت ساعاتى 23:00 دەن تاڭعى 07:00 گە دەيىن ەكەنىن ەسكە سالدى. قالا تۇرعىندارىنا سىرتقا شىعۋعا تىيىم سالىنادى. ەلوردانى قۇقىق قورعاۋ ورگاندارى تاۋلىك بويى كۇزەتەدى. قوسىمشا اقپارات الۋ ءۇشىن ازاماتتار كومەنداتۋرانىڭ جەدەل شتابىنىڭ 716020 ءنومىرى نە نەمەسە « IKomek109» قىزمەتىنە حابارلاسۋ قاجەت.