21:14, 13 - قاڭتار 2022 | GMT +6
الەم چەمپيونى جانىبەك ءالىمحان ۇلىنىڭ پروموۋتەرىن سوتقا بەردى
نۇر-سۇلتان. قازاقپارات - جارتىلاي ورتا سالماقتا WBO بەلبەۋىنىڭ يەگەرى تەرەنس كروۋفورد Top Rank پروموۋتەرلىك كومپانياسى مەن ونىڭ باسشىسى بوب ارۋمدى سوتقا بەردى، دەپ جازادى New York Post باسىلىمى.
شاعىم نيەۆادا شتاتىندا بەرىلگەن. وندا كروۋفورد پروموۋتەردى ناسىلدىك ديسكريميناتسياعا جول بەردى دەپ ايىپتعان. سول ءۇشىن دە ول ونداعان ميلليون دوللار تاباتىن ۇلكەن ايقاسقا شىعا الماعان.
ەسكە سالايىق، كروفورد 2021-جىلدىڭ قاراشا ايىندا ارۋممەن جۇمىس ىستەۋىن توقتاتقان ەدى. ول ەركىن اگەنت بولىپ، ارمانداپ جۇرگەن ەررول سپەنسپەن كەزدەسۋدى ۇيىمداستىرۋعا نيەتتى ەكەنىن ايتتى.
ايتا كەتەيىك، ارۋم مەن Top Rank كومپانياسى ورتا سالماقتاعى قازاقستاندىق بوكسشى جانىبەك ءالىمحان ۇلىنىڭ جەكپە-جەكتەرىن ۇيىمداستىرادى. ال كروۋفورد پەن سپەنس ءبىزدىڭ دانيار ەلەۋسىنوۆتىڭ سالماعىندا جۇدىرىقتاساتىن بوكسشىلار.