قازاقستانعا كىرۋدىڭ جاڭا ەرەجەلەرى كۇشىنە ەندى

نۇر-سۇلتان. قازاقپارات - Air Astana اۋە كومپانياسى باسپا ءسوز قىزمەتى قازاقستان رەسپۋبليكاسىندا كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ شەشىمىنە سايكەس، 2022-جىلدىڭ 15- قاڭتارىنان باستاپ قازاقستانعا كىرۋدىڭ جاڭا ەرەجەلەرى ەنگىزىلەتىنىن مالىمدەدى، دەپ حابارلايدى قازاقپارات.

قۇجاتقا سايكەس، قازاقستانعا شەتەلدەن ۇشىپ كەلەتىن بارلىق جولاۋشىلار (سونىڭ ىشىندە ۆاكسينا العاندار) COVID-19 تەرىس ناتيجەسىن كورسەتەتىن پ ت ر انىقتاماسىن ۇسىنۋى ءتيىس.

انىقتاما ماتەريال سىناماسى الىنعان كۇننەن باستاپ قازاقستان رەسپۋبليكاسىنىڭ شەكاراسىنان وتكەن ساتكە دەيىن 72 ساعات بويى جارامدى بولىپ سانالادى جانە اعىلشىن، ورىس نەمەسە قازاق تىلىندە جازىلىپ بەرىلۋى ءتيىس.

اتالعان انىقتاما بەس جاسقا تولماعان بالالارعا عانا بەرىلمەيدى. COVID-19 عا پ ت ر سىناماسىنىڭ تەرىس ناتيجەسى بولماعان جاعدايدا جولاۋشىلار، سونىڭ ىشىندە قازاقستان ازاماتتارى جانە قازاقستان اۋماعىندا تۇرۋعا ىقتيارحاتى بار ادامدار ۇشۋ اۋەجايىنان بورتقا جىبەرىلمەيدى.