USD 434.34 EUR 491.93
RUB 5.56 CNY 68.67
جاڭالىقتار

اقپارات مينيسترلىگى ب ا ق وكىلدەرىن ۇستاپ الۋدىڭ ءاربىر جاعدايىن مۇقيات تەكسەرەدى

13 قاڭتار 18:52
:ءبولىسۋ
اقپارات مينيسترلىگى ب ا ق وكىلدەرىن ۇستاپ الۋدىڭ ءاربىر جاعدايىن مۇقيات تەكسەرەدى

نۇر- سۇلتان. قازاقپارات – ق ر اقپارات جانە قوعامدىق دامۋ مينيسترلىگى ۇستالعان جۋرناليستەرگە قاتىستى تۇسىنىكتەمە بەردى، دەپ حابارلايدى قازاقپارات ۆەدومستۆونىڭ باسپا ءسوز قىزمەتىنە سىلتەمە جاساپ.

ۆەدومستۆونىڭ مالىمدەۋىنشە، ق ر اقپارات جانە قوعامدىق دامۋ مينيسترلىگى ب ا ق سالاسىنداعى ۋاكىلەتتى ورگان جانە ءارقاشان ب ا ق وكىلدەرىن قولداۋ جونىندەگى ۇستانىمداردى ۇستانادى. «بۇگىنگى تاڭدا ق ر اۋماعىندا ب ا ق وكىلدەرى ءۇشىن ءتيىستى ايىرىم بەلگىلەرى بەكىتىلگەن بەيبىت جينالىستاردا بولاتىن جۋرناليست (بۇقارالىق اقپارات قۇرالدارىنىڭ وكىلى) قىزمەتىنىڭ قاعيدالارى قولدانىلادى. كەۋدەشە، جەڭدەگى تاڭعىش، جاپسىرما جۋرناليستىڭ ايىرىم بەلگىلەرىنىڭ نىساندارى بولىپ تابىلادى. كورسەتىلگەن ايىرىم بەلگىلەرىن تاعىپ ءجۇرۋ كەزىندە ولاردىڭ انىق كورىنۋىن قامتاماسىز ەتۋ قاجەت»، دەلىنگەن حابارلامادا.

مينيسترلىك ب ا ق وكىلدەرىن ۇستاپ الۋدىڭ ءاربىر جاعدايىن مۇقيات تەكسەرەدى.

«قازىرگى ۋاقىتتا قۇقىق قورعاۋ ورگاندارىمەن بىرلەسىپ، ۇستاپ الۋدىڭ بارلىق فاكتىلەرى بويىنشا تەكسەرۋ جۇرگىزىلىپ، زەردەلەنۋدە. ۇستاپ الۋ فاكتىلەرىن انىقتاۋداعى نەگىزگى پروبلەمالار جۋرناليستەردە ايىرىم بەلگىلەرىنىڭ بولماۋى بولىپ تابىلادى، بۇل ولارعا قاتىستى كاسىبي قىزمەتتەرىن جۇزەگە اسىرۋعا رۇقسات بەرۋدە پروبلەما تۋدىردى. بۇدان باسقا، وقيعالاردىڭ كورسەتىلگەن كەزەڭىندە ب ا ق- تىڭ جەكەلەگەن وكىلدەرى قازاقستان رەسپۋبليكاسىندا «بەيبىت جينالىستاردى ۇيىمداستىرۋ جانە وتكىزۋ ءتارتىبى تۋرالى» زاڭنامانى بۇزۋ فاكتىلەرى بويىنشا، سونداي- اق توتەنشە جاعداي كەزىندە قۇقىقتىق ءتارتىپتى بۇزۋعا يتەرمەلەيتىن ارەكەتتەرى جانە تىكەلەي وزدەرىنىڭ كاسىبي قىزمەتتەرىن جۇزەگە اسىرماعانى ءۇشىن ۇستالدى»، دەلىنگەن حابارلامادا.

مينيسترلىك توتەنشە جاعداي رەجيمىنىڭ تالاپتارىنا تۇسىنىستىكپەن قاراۋعا جانە قاتاڭ ساقتاۋعا، سونداي- اق بۇقارالىق ءىس- شارالاردى جاريا ەتۋ كەزىندە جۋرناليستەردىڭ ايىرىم بەلگىلەرىنە يە بولۋعا شاقىرادى. «اتالعان ماسەلە مينيسترلىكتىڭ تۇراقتى باقىلاۋىندا»، دەلىنگەن حابارلامادا.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات